बेइजिङ । टेनिस डलब तर्फकी पहिलो बरियताकी पूर्व खेलाडी पेङ्ग स्वाअएले नोभेम्बरको सुरुमा चीनको सामाजिक सञ्जाल वेबोमा आफूमाथि चीनका पूर्व उप(प्रधानमन्त्री झाङ गाओलीले यौन सम्बन्ध राख्न दबाब दिएको उल्लेख गर्दै एउटा पोष्ट राखिन् । पोष्ट भाइरल भयो र उनले त्यसलाई तत्काल हटाइन् । बीबीसीले जनाए अनुसार चीनका वरिष्ठ नेताामाथि यस्तो प्रकारको आरोप लगाइएको यो पहिलोपटक थियो ।

त्यसपछि ती खेलाडी समेत वेपत्ता भइन् । उनीबारे स्वदेश भित्र र बाहिर ठूलो चासो शुरु भयो । अन्तर्राष्ट्रिय समुदायले समेत चीनमाथि दवाव बढाएको थियो । यसै सन्दर्भमा अन्तर्राष्ट्रिय ओलिम्पिक कमिटी (आइओसी) ले चिनियाँ टेनिस खेलाडी पेङ्ग स्वाअएले आइतवार एउटा भिडिओ कलमार्फत आफू सुरक्षित रहेको बताएको उल्लेख गरेको छ । एक विज्ञप्ति निकाल्दै आइओसीले अध्यक्ष टमस बाखले पेङ्गसँग तीन मिनेट भिडिओ कल गरेको जानकारी सार्वजनिक गरेको हो ।

जसमा उनी सुरक्षित रहेको बताइएको छ । ३५ वर्षीय पेङ्ग भिडियो कलमा हासेको र खुसी देखिएको समेत देख्न सकिन्छ । भिडिओ कलका दौरान पेङ्गलेआइओसीको चासोका लागि धन्यवाद दिएकी थिइन् । उनले बेइजिङस्थित आफ्नो घरमा सुरक्षित र ठिक रहेको बताएकी छिन् । अहिलेको अवस्थामा गोपनीयताको सम्मान होस् भन्ने आफुले चाहेको उनको धारणा छ । उनी आफु टेनिसमा निरन्तर रहने अठोट राख्ने समेत विज्ञप्तीमा उल्लेख छ ।