काठमाडौं । आईसीसी महिला टी–२० विश्व कप एसिया छनोट अन्तर्गत नेपालले हङकङको सामना गर्दैछ । खेल दुबईको आईसीसी क्रिकेट एकेडेमीमा हुनेछ । नेपाली समय अनुसार बिहान सवा ११ बजे शुरु हुने खेलमा नेपाल स्पष्ट जितका लागि मैदान उत्रने छ । यसअघि नेपालले कतारसँग टी-२० सिरिज खेलेको थियो । तीन खेलको सिरिज हात पारेको नेपाल पूर्ण आत्मविश्वासका साथ मैदान उत्रने छ ।

टी–२० विश्व कप एसिया छनोटमा नेपालले हङकङसहित आयोजक यूएई, भुटान, मलेसिया र कुवेतसँग खेल्ने छ । राउण्ड रोबिन प्रणालीमा हुने प्रतियोगिताको विजेता विश्व कपको ग्लोबल छनोटमा पुग्ने छ । नेपालको अन्य खेल मंगलबार भुटानसँग, बिहीवार कुवेतसँग, शुक्रवार मलेसियासँग र आइतवार यूएईसँग रहेको छ ।