फिचर

भारतले खोल्यो नेपालसहितका मुलुकमा अन्तर्राष्ट्रिय उडान, १४ मुलुकमा प्रतिवन्ध कायम

business-standard

नयाँ दिल्ली । भारतले १५ डिसेम्बरबाट लागु हुने गरि अन्तर्राष्ट्रिय उडान सूचारु गरेको छ । नयाँ वर्ष र क्रिसमसलाई लक्षित गरि भारतले उडान खोल्ने निर्णय गरेको हो । अहिले एयर बबल स्किम अनुसार मात्र उडान भइरहेको छ । यस अनुसार एक अर्का मुलुक र अनुमति प्राप्त तेस्रो मुलुकका नागरिकले मात्र उडानको अनुमति पाएका थिए । उडान खुलेपछि भारत सबै मुलुकका नागरिकको आवागमनका लागि सहज हुने छ ।

यस सूचिमा नेपाल समेत छ । तर, विभिन्न १४ मुलुकका लागि भने उडान अझै खुलेको छैन । बेलायत, फ्रान्स, जर्मनी, नेदरल्याण्ड्स, फिनल्याण्ड, साउथ अफ्रीका, ब्राजील, चीन, मौरिसस, सिंगापुर, बंगलादेश, बोतस्वाना, जिम्बांवे र न्यूजिल्याण्डमा भने उडान हुने छैन । खासगरी कोरोना भाइरसको पछिल्लो फैलावट नभएका मुलुकमा भारतीय सरकारले उडान खोल्ने निर्णय लिएको हो । यूरोप र अफ्रिकामा भने कोरोना भाइरसको संक्रमण बढिरहेको छ ।