न्यूयोर्कमा बढ्यो कोरोना संक्रमण, डिजास्टर इमर्जेन्सी घोषणा
Vishwanews.com
27 November, 2021
4.7k shares
न्यूयोर्क । अमेरिकाको न्यूयोर्कमा कोरोना भाइरसको संक्रमण बढेसँगै स्थानीय सरकारले डिजास्टर इमर्जेन्सी घोषणा गरेको छ । स्थिति नियन्त्रणमा लिन न्यूयोर्कमा डिजास्टर इमर्जेन्सी घोषण गरिएको अमेरिकी संचारमाध्यमले जनाएका छन् । समाचार अनुसार अस्पतालमा भर्ती हुने बिरामीको संख्या बढेको छ ।
न्यूयोर्कमा पछिल्लो २४ घण्टामा करीव ६ हजार नयाँ संक्रमण पुष्टी भएको छ । यो राज्यमा अहिलेसम्म कोरोनाबाट ५८ हजार मानिसको ज्यान गइसकेको छ । यहाँ अहिलेसम्म २८ लाख मानिसमा कोरोना देखिएको छ । त्यसमध्ये अझै ४ लाख सक्रिय संक्रमित रहेको तथ्यांक छ ।
