फिचर

अमेरिकालाई तालिवानको चेतावनी: आन्तरिक मामलामा दख्खल नदेउ

EPA\BBC

काबुल । तालिबान सरकारले अफगानिस्तानको आन्तरिक मामलामा दख्खल नगर्न अमेरिकालाई चेतावनी दिएको छ । तालिवान सरकारका विदेशी राजनीतिक मामलाका उपमन्त्री शेर मोहम्मद अब्बास स्टानिकजईले अमेरिकालाई यस्तो चेतावनी दिएका हुन् । अफगानिस्तान एक स्वतन्त्र मुलुक भएको भन्दै उाले मुलुकको आन्तरिक मामलामा हस्तक्षेप नगर्न अमेरिकालाई चेतावनी दिएको अन्तर्राष्ट्रिय संचारमाध्यमले लेखेका छन् ।

आइतबार एक सभामा उनले अमेरिकी सेनाले बगराम एयरफिल्ड छाडेको सन्दर्भ निकाल्दै अमेरिकी सेना रातको अध्यारोमा भागेको समेत बताए । अफगानिस्ताले पछिल्लो चार दशकमा उपभोग गर्न नसकेको स्वतन्त्रता पछिल्लो चार महिनायता गरिरहेको समेत उनको भनाई छ ।

पछिल्लो ४० वर्षको युद्धमा तालिवान कमजोर नभएको भन्दै उनले आवश्यक परे अर्को ४० वर्ष समेत लड्ने सक्ने क्षमता रहेको चेतावनी उनले दिएका हुन् । यसैबीच अफगानिस्तानले महिलाका लागि नयाँ नियम कार्यान्वयनमा ल्याएको छ । जहाँ लामो दूरीमा कुनै पनि महिला अब एक्लै यात्रा गर्न पाउने छैनन् । उनको साथमा पुरुष हुनु अनिवार्य हुने छ ।