काठमाडौं । बार्सिलोनालाई हराउँदै रियल म्याड्रिड स्पेनिस सुपर कपको फाइनल प्रवेश गरेको छ । बुधबार राति भएको खेलमा अतिरिक्त समयमा निर्णायक गोल गर्दै रियल विजयी भएको हो । साउदी अरबको रियादस्थित किङ फाद इन्टरनेसन स्टेडियममा भएको पहिलो सेमिफाइनलमा रियलले ३-२ को रोमाञ्चक जित निकाल्यो । रियलको जितमा भिनिसियस जुनियर, कप्तान करिम बेन्जिमा र फेडे भाल्भेर्डेले एक\एक गोल गरे ।

खेलको पहिलो हाफ १–१ मा सकिएको थियो। दोस्रो हाफको ७२ औं करिम बेन्जेमाले गोल गर्दै पुनः टोलीलाई अग्रता दिलाएका थिए। तर, ८३ औं मिनेटमा अन्सु फातीले गोल गर्दै खेल बराबरीमा ल्याएका थिए। निर्धारित ९० मिनेटको खेल बराबरीमा सकिएपछि थपिएको ३० मिनेटको खेलको आठौं मिनेटमा रियलका फेडेरिको भाल्भेर्डेले गोल गर्दै खेललाई ३–२ मा ल्याएका थिए। खेलमा थप गोल हुन सकेन र रियल विजयी भयो।