स्थानीय

शिवपुरीमा आगलागी, निभाउन हेलिकोप्टरबाट खन्याइयो पानी

काठमाडौं । बुढानीलकण्ठ नगरपालिकाको शिवपुरी राष्ट्रिय निकुञ्जको तारेभिर क्षेत्रमा लागेको डढेलो नियन्त्रणमा लिन समस्या देखिएको छ । मङ्गलवार दिउँसोदेखि लागेको डढेलो निभाउने प्रयास भइरहेको छ । दिउँसा हेलिकोप्टरबाट पानी खन्याइएको छ । तर, त्यसले पनि आगो नियन्त्रणमा आइसकेको छैन ।

प्रहरीका अनुसार साँझ पछि हेलिकोप्टरको प्रयोग रोकिए पनि दमकल तथा अन्य माध्यमबाट आगो निभाउने प्रयास भइरहेको छ । दमकल, पानी ट्याङ्कर, निकुञ्जका सेना र प्रहरीको सहायतामा आगो निभाउने गरिएको थियो । धेरै ठाउँमा आगो फैलिएकाले निभाउन समस्या भएको प्रहरीले जनाएको छ ।