समाचार

राहुल गान्धी सुटुक्क काठमाडौंमा

काठमाडौं । भारतीय राष्ट्रिय कंग्रेस पार्टीका नेता राहुल गान्धी सुटुक्क काठमाडौं आएका छन् । उनको नेपाल यात्रा बारे खुलाइएको छैन । त्रिभुवन विमानस्थल कार्यालय स्रोतका अनुसार उनी भिस्तारा एयरलाइन्सको नियमित उडानबाट सोमबार करीव ५ बजे काठमाडौं अवतरण गरेका हुन् । उनको यो भ्रमण निजी रहेको र बिदा मनाउन नेपाल आएको मानिएको छ ।

नेपालमा उनी हिमाली भेगमा भ्रमणमा जाने बताइए पनि कहाँ जाने खुलेको छैन । भारतमा अत्यधिक गर्मी हुने मौसममा धेरै जसो भारतीयले भ्रमणका लागि पछिल्लो समय नेपाललाई गन्तब्य बनाउन थालेका छन् । नेपाल पर्यटन बोर्डले सोमबार सार्वजनिक गरेको तथ्यांक अनुसार अप्रिल महिनामा मात्र २२ हजार भारतीय नेपाल आएका छन् ।