फिचर

नेपाल र जिम्बाब्वेबीच पहिलो वान डे क्रिकेट आज

काठमाडौं । नेपाल र जिम्बाब्वेको ‘ए’ बीच शुक्रबार पहिलो एक दिवसीय क्रिकेट खेल हुँदैछ । खेल बिहान साढे ९ बजे कीर्तिपुर मैदानमा सुरु हुने तालिका छ । नेपालले जिम्बाब्वे ‘ए’ सँग तीन एक दिवसीय खेल्दैछ । दोस्रो खेल शनिबार र सोमवार तेस्रो एक दिवसीय हुने तालिका छ । वैशाख १७ गतेदेखि तय भएको एक दिवसीय श्रृङ्खला वर्षाका कारण प्रभावित भएपछि खेल तालिका परिवर्तन गरिएको हो । एक दिवसीय श्रृङ्खलाका लागि नेपालले सन्दीप लामिछानेको कप्तानीमा फरक टोली घोषणा गरेको छ ।

टोलीमा कप्तान लामिछानेसहित आसिफ शेख, देव खनाल, दीपेन्द्रसिंह ऐरी, रोहित पौडेल, आरिफ शेख, विनोद भण्डारी, करण केसी, सोमपाल कामी, कुशल भुर्तेल, सागर ढकाल, विक्रम सोब, किशोर महतो, सुनिल धमला, सुशान भारी र आदिल अन्सारी रहेका छन् । विश्व क्रिकेट लिग डिभिजन–२ अन्तर्गत अमेरिका भ्रमणअघि नेपालले जिम्बाब्वेको ‘ए’ टोलीसँग खेलेको टी–२० श्रृङ्खला खेलेको छ । जुन बराबरीमा सकिएको छ ।