न्युयोर्क

युनाइटेड शेर्पा एसोसिएसन अमेरिका र खुम्बु पासाङ ल्हामु शेर्पा समाजको अमेरिकाको संयुक्त आयोजनामा गत मे ०८-२०२२ मा न्युयोर्कको क्वीन्सस्थित धर्मा हाउसमा साहित्यकार पासाङ शेर्पाको नयाँ कृति “कोरोना कथा”को बिमोचिन सम्पन्न भएको छ ।

लेखकले यसअघि सोही कृति नेपालमा बिमोचन गरिसकेकाले यसलाई सर्जकले “कोरोना कथाको प्रवास लोकार्पण” नाम दिएका छन् ।

संयुक्त राष्ट्र संघकालागि नेपाली स्थायी प्रतिनिधि महामहिम अमृत राईज्यूको प्रमुख आतिथ्यमा गरिएको कार्यक्रममा नेपाली महावाणिज्यदूतावास न्युयोर्कका कार्यबाहक महावाणिज्यदूत बिष्णुप्रसाद गौतम, धर्म गुरु लोपेन गुर्मे छोड्रक, अन्तर्राष्ट्रिय नेपाली साहित्य समाज बोर्ड अफ ट्रष्टीका अध्यक्ष गीता खत्री, एनआरएन, ऐन सी सीका केन्द्रीय उपअध्यक्ष बि आर लामा, नेपाल आदिवासीजनजाति महासंघ अमेरिकाका अध्यक्ष राजकुमार बिष्ट, अनेसास न्युयोर्क च्याप्टरका अध्यक्ष राजन महर्जन, साहित्यकार एवं अनेसास न्युयोर्क च्याप्टरका निवर्तमान अध्यक्ष सकुन ज्ञवाली एन आर एन ए न्युयोर्क च्याप्टरका अध्यक्ष आङ छिरिङ शेर्पा, लेखक तथा विश्व सन्देश साप्ताहिकका प्रवन्ध निर्देशक योगेश आदी, शेर्पा संघ अमेरिकाको अध्यक्ष आङ जाङ्वु शेर्पा लगायत कार्यक्रममा आफ्ना भावना व्यक्त गरेका थिए ।

साहित्यकार मणी वाङ्देलले संचालन गरेको कार्यक्रममा सहभागी पाठकहरुले पुस्तक उत्साहपूर्वक सहयोग दस्तुर सहित खरिद गरेका थिए। कृतिको बारेमा सबै वक्ताहरूले पुस्तक पठनीय र मननीय रहेको प्रतिकृया दिएका थिए ।