फिचर

सामुदायिक विद्यालयलाई इण्टरनेटमा ५० प्रतिशत छुट, दूर्गम क्षेत्रका अस्पतालमा गुणस्तरीय टेलिमेडिसिन सेवा

काठमाडौं । सरकारले सामुदायिक विद्यालयमा इन्टरनेटमा ५० प्रतिशत सहुलियत दिने नीति लिएको छ।

राष्ट्रपति विद्यादेवी भण्डारीले मंगलबार संघीय संसद्‌को संयुक्त बैठकमा आर्थिक वर्ष ०७९र८० का लागि सरकारको नीति तथा कार्यक्रम प्रस्तुत गर्दै उक्त कुरा बताएकी हुन् ।

राष्ट्रपति भण्डारीले देशभरका सामुदायिक विद्यालयमा इण्टरनेट ५० प्रतिशत दर कम गर्ने नीति सार्वजनिक गरिन्।

साथै एक सय सामुदायिक विद्यालयमा गुणस्तरीय शिक्षाका लागि जोड दिने नीति तथा कार्यक्रममा उल्लेख छ।

त्यस्तै दूर्गम क्षेत्रका अस्पतालमा गुणस्तरीय टेलिमेडिसिन सेवा उपलब्ध गराउन आवश्यक प्रविधिको व्यवस्था गर्ने पनि आगामी वर्षको नीति तथा कार्यक्रममा उल्लेख छ ।