समाचार

एसपीपीबारे संसदीय समितिले प्रधानसेनापति शर्मासँग छलफल गर्ने

काठमाडौं । प्रतिनिधिसभाको अन्तर्राष्ट्रिय सम्बन्ध समितिले एसपीपी सम्झौताबारे प्रधानसेनापति प्रभुराम शर्मासँग छलफल गर्ने भएको छ । नेपाली सेनाले अमेरिकाको नेसनल गार्डसँग स्टेट पार्टनरसिप प्रोग्राम (एसपीपी) का लागि पत्राचार गरेको विषय सार्वजनिक भएपछि संसदीय समितिले शुक्रबार बिहानको बैठकमा प्रधानसेनापति शर्मालाई छलफलमा बोलाएको छ ।

समिति सचिवालयका अनुसार एसपीपीकै विषयमा प्रधान सेनापतिसहित सरकारी अधिकारीहरुसँग जवाफ माग्न थालिएको हो । प्रधानसेनापति शर्मा निकट भविश्यमा मिसन मुलुक र त्यसपछि अमेरिका भ्रमणमा जाँदैछन् । सो भ्रमणमा एसपीपीमा सम्झौतामा हस्ताक्षर हुने सम्भावना समेत रहेको बाहिरिए पछि प्रतिनिधिसभामा यसबारे जवाफ माग भइरहेको छ ।