काठमाडौं । काठमाण्डौ महानगरपालिकाका मेयर बालेन्द्र शाहले आफ्नै तलबबाट र्‍यापर गायक यमबुद्धको सालिक बनाउने घोषणा गरेका छन् । यसअघि सालिक महानगरपालिकाको बजेटबाट बनाउने निर्णय भएको थियो । यसको व्यापक आलोचना भएपछि मेयर बालेनले सामाजिक संजालमार्फत यस्तो घोषणा गरेका हुन् ।

उनले फेसबुकमा लेखेका छन्, ‘म मेरो तलबबाट यम बुद्धको सालिक बनाउँछु । तपाईँहरूको दिन शुभ रहोस् ।’ उनको यो घोषणाको समेत सामाजिक सञ्जालमा आलोचना भइरहेको छ , विगतमा आफ्नो पार्टीका नेता र उनीहरको आफन्तका शालिक बनाउने परिपाटीको विरोध गर्ने बालेनले यमबुद्धको सालिक बनाउने विषयलाई धेरैले परम्परागत संस्कारको संज्ञा दिएका छन् ।