काठमाडौं । साफ यू–२० च्याम्पियनसिपमा आज नेपाल र बंगलादेश लिगको अन्तिम खेलमा भिड्दैछन् । प्रतियोगितामा कुल पाँच राष्ट्र सम्मिलित छन् । च्याम्पियनसिपको फाइनलमा शीर्ष दुई टिम पुग्ने छन् । आइतरबार घरेलु टीम भारतसँग ८–० को पराकिलो अन्तरले हारेको नेपालआज भने दवावमा हनेछ । माल्दिभ्स र श्रीलंका फाइनल होडबाट बाहिरिसकेका छन् । बंगलादेश, भारत र नेपालमध्ये दुई टिम फाइनल पुग्नेछ ।

तर नेपाललाई फाइनल पुग्न कठिन छ । अहिलेसम्म बंगलादेश सबै तीन खेल जित्दै ९ अंक जोडेर शीर्ष स्थानमा छ । समान ३ खेल खेलेका नेपाल र भारतले समान दुई जित र एक हारको नतिजा निकालेका छन् । हेड टू हेडमा भारत अगाडि छ । मंगलबारको पहिलो खेल नेपाल र बंगलादेशबीच हुँदैछ । खेल सवा ४ बजे शुरु हुनेछ । नेपालका लागि यो खेल जित्नैपर्ने चुनौती छ । हारले नेपालको फाइनल पुग्ने सम्भावना समाप्त हुनेछ ।

नेपालले बंगलादेशलाई हराएमा फाइनल पुग्ने सम्भावना बढ्ने छ । तर, फाइनल समीकरणका लागि भारत र माल्दिभ्सबीच सवा ७ बजे हुने खेलको नतिजा पनि कुर्नुपर्नेछ । नेपालले बंगलादेशलाई पराजित गरेमा र भारतीय टिम माल्दिभ्ससँग पराजित भएमा वा बराबरीमा रोकिएमा नेपाल बंगलादेशसँगै फाइनलमा पुग्नेछ । नेपाल र भारत दुवैले आ–आफ्नो खेल जितेमा पनि तीन वटै टिमको समान ९ अंक हुनेछ । यस्तोमा तीन टिमबीचको हेड टु हेड र गोलअन्तरमा गणना गरिनेछ ।