काठमाडौं । लियोनल मेसी र नेयमार चम्किएपछि पेरिस सेन्ट जर्मेन (पीएसजी) ले शनिबार फ्रान्सेली लिग वानमा क्लेरमोन्टलाई ५–० को गोल अन्तरले पराजित गरेको छ । पीएसजीका लागि नेयमारले गोलको खाता खोलेपछि अचराफ हकिमी र मारक्विन्होसले पहिलो हाफमा गोल थपे । दोस्रो हाफमा मेसी चम्किए । उनले दुई गोल गरे । त्यसमध्ये एक गोल उत्कृष्ट ‘ओभर हेड किक’ को मद्दतमा भयो । उनको यो करियरकै पहिलो बाइसाइकल गोल हो ।
