मनोरञ्जन

अधिकांश सुटिङ नेपालमा भएको बलिउड चलचित्र उचाईको पोस्टर सार्वजनिक

काठमाडौं । अधिकांश सुटिङ नेपालमा भएको बलिउड चलचित्र ‘उचाई’को टिजर पोस्टर सार्वजनिक भएको छ । यो चलचित्र कात्तिक २५ मा रिलिज हुँदैछ । फिल्मको टिजर पोस्टर आइतबार रिलिज गरिएको हो । सुरज वर्जत्य निर्देशित ‘उचाई’मा अमिताभ बच्चन, अनुपम खेर, बोमन इरानी, परिणिती चोपडा र डेनी डेन्जोङ्पाको मुख्य भूमिका रहेको छ । फिल्मको छायांकन नेपालका पर्यटकीय थलोमा भएको हो ।

सार्वजनिक पोस्टरमा फिल्मका तीन मुख्य पात्रले हिमाल आरोहण गरिरहेको चित्रण गरिएको छ । नेपालको कथावस्तु समेत रहेकाले फिल्मले नेपाली बजारमा समेत राम्रो कमाइ गर्न सक्ने अपेक्षा राखिएको छ । मित्रताको कथा भन्ने यो फिल्मले तीन प्रमुख पात्रको नेपाल घुमघामको कथा प्रस्तुत गर्छ । ‘उचाई’ले नेपालको पर्यटन प्रवद्र्धनमा सहयोग पुर्‍याउने अपेक्षा छ ।