फिचर

एमसीसी कार्यान्वयनबारे वासिंटनमा छलफल

काठमाडौं । अमेरिकाका लागि नेपाली राजदूत श्रीधर खत्री र मिलेनियम च्यालेन्ज कर्पोरेसनका यूरोप, एसिया, प्यासिफिक तथा ल्याटिन अमेरिका मामिलासम्बन्धी सहायक उपाध्यक्ष जोनाथन ब्रुक्सबीच भेटवार्ता भएको छ । राजदूत खत्री र सहायक उपाध्यक्ष ब्रुक्सबीच गत १ सेप्टेम्बरमा वासिङटन् डीसीस्थित नेपाली राजदूतावासमा भएको भेटमा नेपालमा एमसीसीको कार्यन्वयका विषयमा छलफल भएको थियो । दूतावासका एक अधिकारीले बताएअनुसार ब्रुक्सले नेपालले सदनबाट पारित गरेर कार्यन्वयनको चरणमा गइसकेको एमसीसी परियोजनाका विभिन्न विषयमा चासो राखेका थिए ।

ब्रुक्सले एमसीसी नेपालको सदनबाट पारित गर्न महत्वपूर्ण भूमिका खेलेका थिए । नेपालमा सदनबाट पारित गर्ने वा नगर्ने भन्ने विषयलाई लिएर बहस चलिरहेको अवस्थामा ब्रुक्स एमसीसी उपाध्यक्ष फातिमा सुमारसँगै गत वर्षको भदौ अन्तिम साता नेपालको चारदिने भ्रमणमा आएका थिए । एमसीसीको विषयलाई लिएर विभिन्न चर्चाहरू चलेपछि सरकारले एमसीसीलाई त्यस विषयमा स्पष्ट पार्न पत्र पठाएको थियो । अर्थमन्त्रालयमार्फत पठाइएका एमसीसीसम्बन्धी जिज्ञासाको जवाफसँगै उपाध्यक्ष सुमार र सहायक उपाध्यष ब्रुक्स नेपाल भ्रमणमा आएका थिए ।