फिचर

टी-२० एसिया कपको उपाधी श्रीलंकालाई

काठमाडौं । टी–२० एसिया कप २०२२ को उपाधि श्रीलंकाले जितेको छ । बलिङ, ब्याटिङ र फिल्डिङ तीन वटै क्षेत्रमा श्रीलंकाका खेलाडीले उत्कृष्ट प्रदर्शन गन सफल भए । श्रीलंकाले फाइनलमा पाकिस्तानलाई २३ रनले हराएको हो । पहिले ब्याटिङ गरेको श्रीलंकाले पाकिस्तानलाई जितका लागि १७१ रनको लक्ष्य दिएको थियो । पाकिस्तानले उक्त लक्ष्य निर्धारित २० ओभरमा अलआउट हुँदै १४७ रन मात्रै बनाउन सक्यो ।

पाकिस्तानका मोहम्मद रिजवानले ५५ रनमा बनाए । इफित्खार अहमदले ३२ रन र हरिस रौफले १३ रन जोडे । श्रीलंकाका प्रमोद मदुशनले ४ ओभरमा ३४ रन खर्चेर ४ विकेट लिए । स्पिनर वानिन्दु हसरंगाले ४ ओभरमा २७ रन खर्चेर ३ विकेट लिए । दुबई इन्टरनेशल स्टेडियममा टस हारेर ब्याटिङ गरेको श्रीलंकाले निर्धारित २० ओभरमा ६ विकेट गुमाउँदै १७० रन बनाएको थियो ।

श्रीलंकाका भानुका राजपक्षे अविजित सर्वाधिक ७१ रन बनाए, वानिन्दु हसरंगा ३६, धनन्जय डे सिल्भाले २८ र चमिकाले १४ रन बनाए । श्रीलंकाले छैटौं पटक एसिया कपको उपाधी जितेको हो ।