मनोरञ्जन

'प्रकाश'र 'राधा'लाई पछि पार्दै ‘ऐना झ्यालको पुतली’ ओस्कार अवार्डका लागि सिफारिस

काठमाडौं । सुजित बिडारी निर्देशित चलचित्र ‘ऐना झ्यालको पुतली’ अवार्डका लागि सिफारिसमा परेको छ ।

सोमबार बसेको नेपालको अन्तर्राष्ट्रिय फिचर चलचित्र छनोट समितिको बैठकले समितिलाई प्राप्त चलचित्र मध्येबाट ‘ऐना झ्यालको पुतली’लाई सिफारिस गरेको हो ।

नेपालबाट दिनेश राउत निर्देशित ‘प्रकाश’, सुवर्ण थापा निर्देशित ‘राधा’ र सुजित बिडारी निर्देशित ‘ऐना झ्यालको पुतली’ले सहभागिताका लागि आवेदन दिएका थिए ।

समितिले प्राप्त सिनेमाको प्राविधिक पक्ष, कथ्यको प्रस्तुति, चरित्रहरुको भावनात्मक विश्लेषण तथा प्रस्तुतिको कलात्मकता आदि पक्षलाई ख्याल गरी ‘ऐना झ्यालको पुतली’लाई सिफारिस गर्ने निर्णय हो ।

उक्त निर्णयसँगै चलचित्रले अमेरिकामा अर्को वर्ष हुने अस्कर अवार्डको ९५औं संस्करणका लागि प्रतिस्पर्धा गर्न पाउनेछ ।

सन् २०२२ जनवरी १ देखि नोभेम्बर ३० सम्म हलमा चलेका फिल्मले अन्तर्राष्ट्रिय फिचर विधामा प्रतिस्पर्धाको मौका पाउने प्रावधान छ ।