काठमाडौं । दोहार र क्लावालाम्पुरबाट भैरहवास्थित गौतमबुद्ध अन्तर्राष्ट्रिय विमानस्थलमा सिधा उडान हुनेभएको छ । नेपाल एयरलाइन्सले आगामी १९ नोभेम्बर (४ पुस)देखि यी दुई गन्तब्यबाट सिधा उडान गर्ने भएको हो । नेपाल नागरिक उड्डयन प्राधिकरणले नेवानिको माग अनुसार ‘विन्टर सेड्यूल’ स्वीकृत गर्दै यस्तो जानकारी गराएको हो । स्वीकृत तालिका अनुसार काठमाडौं–दोहा–भैरहवा–काठमाडौं रुटमा एक उडान हुनेछ ।

नेपाल एयरलाइन्सको अर्को जहाजले काठमाडौं–क्वालालाम्पुर–भैरहवा–काठमाडौं रुटमा उडान गर्ने छ । दोहाबाट भैरहवा साताको दुई (आइतबार र मंगलबार) र क्वालालाम्पुरबाट भैरहवा एउटा गरी सातामा तीन वटा उडान हुनेछ । प्राधिकरणले १९ डिसेम्बरबाट २५ मार्चसम्मका लागि यो तालिका स्वीकृत गरेको छ । यो नेवानिको भैरहवाबाट पहिलो उडान हुने छ ।