स्थानीय

प्रचण्ड गोरखा पुग्दै, पृथ्वीनारायण शाहको शालिक अनावरणदेखि महोत्सव उद्घाटनसम्म

काठमाडौं । प्रधानमन्त्रीमा नियुक्त भएपछि पहिलो पटक पुष्पकमल दाहाल प्रचण्ड आज गोरखा जाँदैछन् । उनले खेलकुद मैदान हरमटारीमा आजबाट सुरु हुने ११ औं गोरखा महोत्सव उदघाटन गर्ने कार्यक्रम छ । गोरखाबाट उनी निर्वाचित भएका हुन् । गोरखा क्षेत्र नम्बर २ बाट प्रतिनिधि सभा सदस्यमा निर्वाचित भएका प्रचण्ड १० पुसमा प्रधानमन्त्री बनेका थिए । उनले मंगलबार संसदमा विश्वासको मत पाएका थिए ।

उनीसँगै प्रधानसेनापति प्रभुराम शर्मा पनि आजै गोरखा जाँदैछन् । गोरखा नगरपालिका(६ ठूलो आँगनमा निर्मित पृथ्वीनारायण शाहको शालिक अनावरण गर्ने कार्यक्रम तय भएको छ । सो अवसरमा नेपाली सेनाले परम्परागत पोशाकमा परेड प्रदर्शन गर्ने कार्यक्रम छ । आज पृथ्वी नारायण शाको जन्म जयन्ती पनि हो ।