मनोरञ्जन

साग उद्घाटन समारोहको रंगशालामा रिहर्सल

काठमाडौं । १३औँ दक्षिण एसियाली खेलकुद (साग) को औपचारिक उद्घाटन १५ मंसिर (आइतबार) हुँदैछ । यस दिन करीव १४ हजार दर्शक सामू सागको भब्य उद्घाटनको तयारी गरिएको छ । यसै सिलसिामा शुक्रबार दशरथ रंगशालामा रिहर्सल सम्पन्न भएको छ । नेपाली सेना, प्रहरी तथा विद्यार्थीसहित कलाकारहरुले दशरथ रंगशालामा शुक्रबार रंगशालामा ‘रिहर्सल’ गरे । नेपालको पहिचान झल्कने गरी विविधि सांस्कृतिक प्रस्तुती दिने तयारी छ । यस दिने सागमा सहभागी राष्ट्रका खेलाडीले मार्च पास गर्ने छन् । राष्ट्रपति विद्यादेवि भण्डारीले औपचारिक समारोहको उद्घाटन गर्ने कार्यक्रम छ । कार्यक्रममा नेपालको सातवटै प्रदेशको कला र सस्कृति झल्कने झाँकी एवं कला प्रस्तुत गर्ने तयारी छ । उद्घाटन सत्र करीव ३ घण्टाको हुनेछ । मार्च पासमा नेपालको झण्डा क्रिकेटर पारस खड्काले बोक्ने भएका छन् । साग २४ मंसिरसम्म चल्नेछ । साग दक्षिण एसियाकै वृहत्त खेल मेला हो ।