फिचर

१३ औं साग : नेपाली महिला र पुरुषका दुबै फूटबल टोली आज भिड्दै

काठमाडौं । नेपालमा जारी १३ औं दक्षिण एसियाली खेलकुद (साग) अन्तर्गत महिला र पुरुष दुबै फुटबल टोलीले मंगलबार प्रतिस्पर्धा गर्दैछन् । महिला फूटबलका खेलहरु मंगलबारदेखि पोखरा फुटबल रंगशालामा शुरु हुँदैछ । महिला फुटबलको उद्घाटन खेलमा आयोजक राष्ट्र नेपाल र श्रीलंका भिड्दैछन् । श्रीलंका भन्दा नेपाल तुलनात्मक रुपमा बलियो टोली हो । त्यसमाथि नेपाल अहिले उत्कृष्ट फर्ममा रहेको टोलीसमेत हो । श्रीलंकापछि नेपालले १९ मंसिरमा माल्दिभ्स र २१ मंसिरमा भारतको सामना गर्ने भएको छ । राउन्ड रोबिन लिगबाट शीर्षस्थानमा उक्लिने २ टिम २३ मंसिरमा हुने फाइनलमा भिड्ने गरी तालीका बनाइएको छ । पुरुषतर्फ पनि नेपाल र भूटानको खेल आज हुँदैछ । पुरुष फूटबलका खेलहरु भने दशरथ रंगशालामा आयोजना हुँदैछन् । दशरथ रंगशालामा ५ सय १ हजार मूल्यको टिकट काटेर फूटबल हेर्न सकिने व्यवस्था रहेको छ ।