वासिङ्टन, १८ जेठ (रासस–एएफपी) । अमेरिकी राष्ट्रपति डोनाल्ड ट्रम्पका चिकित्सकले उनको स्वास्थ्य राम्रो भएको तर उनले तौल घटाउनु उचित हुने सुझाब उनको ८० औँ जन्मदिनको केही हप्ताअघि गरिएको वार्षिक स्वास्थ्य परीक्षणपछि ह्वाइट हाउसले शुक्रबार जानकारी दिएको छ। रिपब्लिकन राष्ट्रपति ट्रम्पले आफ्ना पूर्ववर्ती जो बाइडेनको तुलनामा आफ्नो मानसिक र शारीरिक शक्तिको बारेमा बारम्बार गौरब गर्ने गरेका छन् ।

उनको निद्रा र हातमा चोटको बारेमा पत्रकारद्वारा सोधिएका प्रश्नहरूको जवाफपछि मङ्गलबार वासिङ्टन नजिकैको वाल्टर रीड सैन्य अस्पतालमा ट्रम्पको मेडिकल र दन्त परीक्षणपछि यो रिपोर्ट सार्वजनिक गरिएको हो । ह्वाइट हाउसमा प्रकाशित एक जानकारीमा राष्ट्रपति ट्रम्पका निजी चिकित्सक सिन बार्बाबेलाले भनेका छन्, “राष्ट्रपति ट्रम्पको स्वास्थ्य राम्रो छ, उनको हृदय, फोक्सो, न्यूरोलोजिकल र समग्र शारीरिक कार्य तगडा देखिएको छ ।”

तीन पृष्ठको स्वास्थ्य जानकारीमा ट्रम्पको शारीरिक परीक्षण र निचोड रहेको छ, “पत्रमा बार्बाबेलाले राष्ट्रपति ट्रम्प ‘कमान्डर–इन–चीफ’ र राष्ट्र प्रमुखको सबै कर्तव्यहरू पूरा गर्न पूर्ण रूपमा स्वस्थ छन् । परीक्षणपछि चिकित्सकको परामर्शमा राष्ट्रपति ट्रम्पलाई ‘आहारको बारेमा मार्गदर्शन, कम खुराक लिन, शारीरिक गतिविधिमा वृद्धि र निरन्तर वजन घटाउने सहित रोकथामका लागि’ सुझाब दिइएको थियो । पत्रमा भनिएको छ, “छ फिट तीन इन्च (१९१ सेन्टिमिटर) उचाइ भएका ट्रम्पको तौल २३८ किलोग्राम (१०८ किलोग्राम) छ, जुन गत वर्षको अप्रिलमा उनको अन्तिम पूर्ण वार्षिक मेडिकल परीक्षणका समयभन्दा १४ पाउन्ड (करिब ६.४ किलोग्राम) बढी हो।

ट्रम्पको मुटुको उमेरको अवस्था उनको मुटुको वास्तविक उमेरभन्दा १४ वर्ष कम उमेरका मानिसको जस्तो स्वस्थ रहेको अनुमान गरिएको छ । ट्रम्पले संज्ञानात्मक मूल्याङ्कनमा ‘३० पूर्णाङ्कमा ३० नै’ अङ्क दिइएको छ। राष्ट्रपति ट्रम्पले दर्जनौँ पटक संज्ञानात्मक परीक्षणको बारेमा बोलेका छन् । जसबारे उनका पूर्ववर्तीहरूले यो नलिएका उनले दाबी गरेका छन् । जुन १४ मा ८० वर्ष पुगेका ट्रम्पले तीनवटा औषधि सेवन गरिरहेका छन् । जसमध्ये दुई कोलेस्ट्रोल नियन्त्रणका लागि र तेस्रो एस्पिरिन मुटु रोकथामका लागि तोकिएको छ ।

कार्यालयमा फर्किएपछि रिपब्लिकन नेताको प्रायः दाहिने हातमा चोटपटक लागेका जस्तो देखिन्छ, जुन सामान्यतया ‘मेकअप’ले ढाकिएको हुन्छ । हातहरूको पछाडिको परीक्षणमा एउटा घाउ (एक्काइमोसिस) पत्ता लागेको र यो हृदय रोग रोकथामको लागि एस्पिरिनको प्रयोगको कारण भएको हुनसक्ने र यो उहाँले बारम्बार हात मिलाउँदा भएको हुनसक्ने र उक्त घाउ सानो जलनसँग मिल्दोजुल्दो भएको पाइएको छ,” रिपोर्टबारे सार्वजनिक जानकारीमा ट्रम्पको चोटग्रस्त हातको बारेमा भनिएको छ।

ह्वाइट हाउसका धेरै कार्यक्रमहरूमा राष्ट्रपतिले केही सेकेन्डका लागि आँखा बन्द गरेको पनि देखिएको छ, यद्यपि उहाँले बारम्बार निदाउने गरेको कुरा अस्वीकार गरेका छन् । सन् २०२४ मा पेन्सिल्भेनियाको बटलरमा भएको र्यालीको क्रममा ट्रम्प हत्याको प्रयासको निशाना बनेका राष्ट्रपति ट्रम्पको कानमा हल्का चोट देखिएको छ।