न्युयोर्क । चर्चित संचारकर्मी एण्डरसन कुपर ५२ बर्षको उमेरमा पिता बनेका छन् । बिहीबार उनले आफू पिता बनेको र आफ्नो छोरा तीन दिनको भएको घोषणा सि एन एन र ईन्स्टाग्राम मार्फत गरेका हुन् । बिहिबार सिएनएन लाइभमा कुपरले आफू छोराको पिता बनेकोमा खुसी ब्यक्त गर्दै भनें; “मैले सोमबारका दिन एक पिता बन्ने सौभाग्य प्राप्त गरें” ।  यो भन्दा पहिले मैले यसरी आफू बाऊ बनेको घोषणा गर्ने मौका पाएको थिइन।  अहिले पनि मलाई छक्क लागि रहेको छ कि म बाऊ बनें र मेरो छोरो पनि छ” ।

बिहीवार कुपरले नाबालक छोरालाई दुध खुवाउँदै गरेको उनको फोटो राखेर इन्स्ट्राग्राममा लेखेका छन्; ‘म एउटा समलिंगी मान्छेको जिन्दगीमा पनि छोरो होला भनेर कहिल्यै सोचेको थिइन । जस जस्ले यो सम्भव बनायो सबै प्रति कृतज्ञ छु । कुपरले बिशेष गरी आफ्नो छोरा वाएट मोर्गन कुपरको जन्मको लागि ९ महिनासम्म गर्भमा राखेर जन्म दिने विशेषावस्था सम्पन्न गर्ने आमा (सरोगेट मदर) लाई धन्यवाद दिएका छन् । उनले इन्स्ट्राग्राममा थप लेखेका छन्; “मेरो छोराको सरोगेट मदर एक राम्रो परिवारको सहयोगी महिला भएको र उनको पति समेत अत्यन्त सहयोगी मानिस भएको र आफ्नो जीवनमा बाऊ बन्नबाट बन्चित हुनेहरुलाई पिता बन्ने सौभाग्य दिने हरेक सरोगेट मदरलाई धन्यवाद भन्न चाहन्छु” ।