काठमाडौं । कोरोना भाइरसबाट अमेरिकामा मात्र ६७ हजार ४ सय मानिसको ज्यान गएको छ ।

आइतबार बिहानसम्मको तथ्यांक अनुसार अमेरिकामा यति संख्यामा मानवीय क्षति भएको छ । पछिल्लो २४ घण्टामा अमेरिकामा मात्र १६ सय ४७ जनाको ज्यान गएको छ। यस मुलुकमा संक्रमितको संख्या ११ लाख ५९ हजार ९ सय २३ पुगेको छ।

अमेरिकामा १ लाख ६० हजार मानिस निको भएर घर फर्केका छन् । विश्वभर कोरोना संक्रमितको संक्रमितको संख्या भने ३४ लाख ८० हजार २ सय ३४ रहेके छ ।

कोरोनाले २ लाख ४४ हजार ६ सय मानिसको ज्यान गएको छ । पछिल्लो २४ घण्टामा संसारभर ८२ हजार १ सय ४० जना नयाँ संक्रमित भेटिए ।

स्पेनमा २ लाख ४५ हजार ५ सय ६७ संक्रमित छन् । यहाँ २५ हजार एक सयको ज्यान गएको छ। इटालीमा २ लाख ९ हजार ३ सय २८ जनामा संक्रमण भेटिए । २८ हजार ७ सय १०को ज्यान गएको छ।

बेलायतमा १ लाख ८२ हजार २ सय ६० जनालाई कोरोना भाइरसले संक्रमित बनाएको छ । बेलायतमा २८ हजार १ सय ३१ जनाको मृत्यु भएको छ।

फ्रान्समा २४ हजार ७ सय ६० जनाको मृत्यु भएको छ । यहाँ १ लाख ६८ हजार ३ सय ९६ जनामा संक्रमण देखिएको छ। जर्मनीमा संक्रमितको १ लाख ६४ हजार ९ सय ६७ ।

त्यहाँ ६ हजार ८ सय १२ जनाको ज्यान गएको छ। टर्कीमा ३ हजार ३ सय ३६ को मृत्यु भएको छ ।

त्यहाँ १ लाख २४ हजार ३ सय ७५ जना संक्रमति छन्।

भारतमा ३९ हजार ६ सय ९९ जना संक्रमित रहेका छन्। त्यहाँ १ हजार ३ सय २३ जनाले ज्यान गुमाइसकेका छन्।

नेपालमा संक्रमितको संख्या ५९ पुगेको छ। १६ जना घर फर्किसकेका छन् । नेपालमा लगातार दुई दिन नयाँ संक्रमित देखिएनन् ।