विराटनगर । कोशी अस्पतालमा उपचारका लागि भर्ना भएका ६ जना कोरोना संक्रमितले यस रोगलाई जित्न सफल भएका छन् ।

विराटनगरस्थित कोभिड १९ उपचार केन्द्रमा कूल ३१ जना संक्रमित उपचारार्थ भर्ना भएका छन् । त्यसमध्ये ६ जनामा लगातार तेस्रो नेगेटिभ रिपोर्ट आएको छ ।

६ जना व्यक्ति नै भारतीय नागरिक रहेको बताइएकोछ । कोशी अस्पतालका अनुसार निको भएकालाई १४ दिनसम्म क्वारेन्टाइनमा बस्ने गरी अस्पतालबाट डिस्चार्ज गर्न लागिएको हो ।

वैशाख ५ र ६ गते उदयपुरको त्रियुगास्थित भुल्केबाट ल्याइएका १३ मध्ये ६ जनाको रिपोर्ट ३ पटकसम्म नेगेटिभ आएको हो ।

नेपालमा यसअघि १६ जना डिस्चार्ज भइसकेकोमा २ जनामा भने फेरी कोरोना बल्झिएको छ । अर्का एक जनाको समेत परीक्षण जारी रहेको छ ।