विराटनगर । एक खाली ट्रकमा रहेको एक करोड ९ लाख भारतीय रुपैयाँसहित मंगलबार मोरङबाट दुई जना पक्राउ परेका छन् । सशस्त्र प्रहरीले दुई भारतीय नागरिकलाई पक्राउ गरेको हो ।
मंगलबार भारतको सुपौलीबाट मोरङ आएको डब्लूबी ७३ ई ७६३५ नम्बरको खाली ट्रकमा उक्त पैसा फेला परेको हो ।
ट्रकबाट अवैध एक करोड नौ लाख ७९ हजार ५ सय ३० भारू फेला परेको प्रहरीले जानकारी दिएको छ ।
पक्राउपछि चालक र सहचालकलाई नियन्त्रणमा लिइएको छ । उनीहरुलाई आवश्यक अनुसन्धान गरी भन्सारमा बुझाइने भएको छ । पक्राउ पर्नेमा सुपौलका रवि कुमार र पप्पु कुमार रहेको प्रहरीले जनाएको छ ।
उनीहरु विराटनगरमा सामान लोड गरेर सिलुगुडीतर्फ लागेको बताइएको छ ।
नेपालका लकडाउनपछि अवैध रकमको चलखेल समेत शुरु भइसकेको पाइएको छ ।
