काठमाडौं । नेपाल कम्युनिष्ट पार्टी (नेकपा)को स्थायी कमिटि बैठक एक दुई दिनमै बस्ने कार्यकारी अध्यक्ष पुष्पकमल दाहाल (प्रचण्ड)ले जानकारी दिएका छन् ।

बिहीबार कोरोना परीक्षणका सिलसिलामा संसद भवनमा पुगेका अध्यक्ष प्रचण्डले पत्रकारसँग संक्षिप्त कुराकानी गरेका थिए ।

त्यसक्रममा उनले एक–दुई दिनभित्र पार्टीको स्थायी कमिटी बैठक बोलाइने बताएका हुन् । यसअघि बिहीबारका लागि बैठक डाकिएको थियो ।

तर, दुई अध्यक्षले एजण्डा तय गर्न नसक्दा बैठक अनिश्चित कालका लागि स्थगित भएको छ ।

उनले गृहकार्य नपुगेको कारण बिहीबार निर्धारित बैठक नबसेको समेत स्पष्ट पारे । उनका अनुसार दुबै अध्यक्षको सहमतिमा बैठक बोलाइने छ ।