न्युयोर्क      

अमेरिकी बिमान कम्पनी “जेट ब्लु” ले अमेरिकाका एक लाख स्वास्थकर्मीहरुलाई नि:शुल्क ‘राउण्ड ट्रिप’ टिकट दिने भएको छ । कम्पनीले ‘जेट ब्लु हेल्थ केयर हिरो’ कार्यक्रम अन्तर्गत कोरोना भाईरसको महामारीको समयमा काम गर्ने स्वास्थकर्मीहरुलाई नि:शुल्क टिकट उपलब्ध गराउने घोषणा गरेको हो । एयरलाईन्सले कोरोना महामारीको समयमा अग्रपङ्तिमा काम गर्ने १ लाख जना अमेरिकामा काम गरेका स्वास्थकर्मीको लागि प्रति ब्यक्ती २ वटा ‘राउण्ड ट्रिप फ्लाईट सर्टिफिकेट’ दिने आफ्नो प्रेस बिज्ञप्तीमा जनाएको छ । बिमान कम्पनीले पहिलो १० हजार टिकट न्युयोर्कमा बिभिन्न अस्पातालमा काम गर्ने स्वास्थकर्मीहरुका लागि जारी गर्ने बिज्ञप्तीमा जनाएको छ । न्युयोर्कमा प्रदान गरिने त्यो १० हजार टिकट माउण्ट साईनाई हेल्थ सिस्टम अन्तर्गतका अस्पतालमा काम गर्ने र न्युयोर्क सिटी पब्लिक हस्पिटल सिस्टम अन्तर्गत न्युयोर्क हेल्थ प्लस हस्पिटलका स्वास्थकर्मीलाई प्रदान गरिने र टिकट बाँकी रहेमा न्युयोर्कका अन्य अस्पातलका स्वास्थकर्मीलाई पनि दिइने बिज्ञप्तीमा भनिएको छ । कम्पनीले डाक्टर नर्सदेखि फार्मेसीस्ट थेरापिस्ट सोसल वोर्कर पब्लिक हेल्थ वोर्कर लगायत अन्य थुप्रै स्वाथकर्मीहरु समेत उक्त कार्यक्रम अन्तर्गत निसुल्क टिकट प्राप्त गर्न योग्य हुने छन् । बिमान कम्पनीले जारी गरेको उक्त कार्यक्रममा मे महिनाको १५ तारिख भित्र http://www.jetblue.com/healthcarehero  मा गएर दरखास्त दिनु पर्ने छ । यात्रा टिकट भने १ जुलाई २०२० देखि १ जुलाई २०२१ सम्म मान्य हुने छ ।
https://jetblue.readysweeps.com/