काठमाडौं । नेपालमा सात कोरोना संक्रमित थपिएका छन् । अब नेपालमा कुल संक्रमितको संख्या १०९ पुगेको छ ।

स्वास्थ्य तथा जनसंख्या मन्त्रालयका अनुसार उदयपुरको भुल्केमा ३, कपिलवस्तुमा ३ र पर्साको छपकैयामा एक जनामा नयाँ संक्रमित पुष्टी भएका हुन् ।

यी स्थान पछिल्लो केही दिनयता कोरोना देखिएको रुथान हुन् । मन्त्रालयका अनुसारउदपयपुरको भुल्के निवासी १८, ४५ र ६५ वर्षका महिलामा कोरोना देखिएको छ ।

कपिलवस्तुमा १७ र १८ वर्षका पुरुष र पर्साको छपकैयामा ६२ वर्षका पुरुषमा कोरोना देखिएको हो ।

मन्त्रालयका अनुसार शनिबार काठमाडौंस्थित राष्ट्रिय जनस्वास्थ्य प्रयोगशाला र विराटनगरस्थित कोशी अस्पतालको प्रयोगशालामा गरिएको परीक्षणमा सात जनामा कोरोना संक्रमण पुष्टि भएको हो ।

उनीहरुको स्वास्थ्य अवस्था भने सामान्य रहेको मन्त्रालउले जनाएको छ । नेपालमा ३२ जना भने निको भएर घर फर्किसकेका छन् ।