न्युयोर्क      

फास्टफुड दुनियाँको चर्चित नाम म्याक डोनाल्डसले जुन महिनाको अन्त्यसम्म हरेक शुक्रबार ‘फ्रेन्च फ्राई’ नि:शुल्क दिने भएको छ । आज शुक्रबारदेखि लागू हुने गरी हरेक ‘फ्राई – डे (शुक्रबार) फ्राईज’ म्याकडोनाल्डसले आफ्ना ग्राहकलाई आगामी ७ हप्तासम्म नि:शुल्क दिने योजना अगाडि ल्याएको हो । ‘फ्रेन्च फ्राईज’ म्याकडोनाल्डस्को चर्चित परिकार मध्येको एक हो । ग्राहकले नि:शुल्क मिडियम साईजको ‘फ्रेन्च फ्राईज’ लिनको लागि १ डलरको अर्को कुनै खाना लिनु पर्ने छ ।  

यसरी महामारी पछि आफ्ना उत्पादन नि:शुल्क दिने वा न्युन मुल्यमा बिक्री गर्ने फास्ट फुडहरुमा म्याकडोनाल्डस् मात्र पहिलो भने होईन । यस अगाडि बर्गर किङले जम्मा १ डलरमा ८ पिस चिकेन नगेट्स, चकी चिजले ५ डलर र ३ डलरको डेलिभरी र टेक आउट मेनु, क्रिस्पी क्रिमले एक दर्जन डुनट किन्दा अर्को एक दर्जन नि:शुल्क अनि आईस क्रिम स्टोर कार्भेलले हरेक बुधबारका दिन बाई वान गेट वान फ्री (एउटा किन्दा अर्को नि:शुल्क) कार्यक्रम सार्वजनिक गरिसकेको छ ।