02-Jul-2020 | १८ असार २०७७, बिहीबार

धुलिखेल अस्पतालमा स्वास्थ्य मन्त्रालयको टोली

३ जेष्ठ २०७७, शनिबार ०   बिचार / प्रतिक्रिया


काठमाडौं । धुलिखेल अस्पतालमा बिहीबार राती निधन भएकी सुत्केरी महिलाको मृत्युबारे अनुसन्धान गर्न स्वास्थ्य मन्त्रालयको टोली धुलिखेल अस्पताल पुगेको छ ।

मृत्युपछि उनको स्वाव परिक्षण गरिएको थियो । परिक्षणमा महिलामा पीसीआर पोजेटिभ देखिएको छ । यद्दपी उनको मृत्यु कोरोनाका कारण हो या होइन भन्ने बारेमा भने स्वास्थ्य मन्त्रालयले कुनै पुष्टी गरेको छैन ।

सिन्धुपाल्चोककी २९ वर्षिय महिला ९ दिनकी सुत्केरी हुन् । उनको डेलिभरी भने टिचिङ हस्पिटलमा भएको थियो । सामान्य डेलिभरी भएकी उनलाई बिहीबार दिउँसो अस्पतालमा ल्याइएको थियो ।

अस्पतालले भने कोरोनाका कारण मृत्यु भएको हो या होइन भन्ने सम्बन्धमा पुष्टी गरिसकेको छैन । यसको जिम्मा स्वास्थ्य मन्त्रालयलाई दिइएको छ ।

अहिले धुलिखेल अस्पताललाई सील गरिएको छ । मृतकका आफन्तको समेत स्वाव परीक्षण गर्न नुमना संकलन गरिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार