02-Jul-2020 | १८ असार २०७७, बिहीबार

आलमको घरमा पुलिसको छापा, गाउँलेले अवरोध गर्दा १२ राउन्ड हवाइ फायर

९ जेष्ठ २०७७, शुक्रबार ०   बिचार / प्रतिक्रिया


रौतहट । रौतहट क्षेत्र–२ बाट निर्वाचित भएपनि फौजदारी अभियोगका कारण निलम्बित सांसद महमद आफताब आलमको घरमा प्रहरीले छापा हानेको छ । हत्या तथा विस्फोटक पदार्थ ओसारपसार मुद्दामा पुर्पक्षका लागि उनी नख्खु कारागारमा छन् । यसै अवस्थामा प्रहरीले उनको रौतहटस्थित घरमा छापा मारेको छ । उनी काङ्ग्रेसका नेता हुन् ।

घरमा छापा मार्न प्रदेश २ का प्रहरी प्रमुख धिरजप्रताप सिंहले नै निर्देश गरेका थिए । प्रहरी राति १२ः३० बजे आलमको राजपुर स्थित घरमा पुगेको थियो ।

स्रोतका अनुसार आलम प्रकरणमा आरोपित मध्येका एक आलमका भाइ महमद महताब आलम लुकिछिपी घरमा आएको सूचना पाएपछी प्रहरी उनको घरमा पुगेको हो ।

प्रहरी छापा मार्न पुग्दा ठूलो सङ्ख्यामा गाउँले उनको घरमा पुगेका थिए । भिड हटाउन प्रहरीले १२ राउन्ड हवाइ फायर गर्नु परेको प्रदेश प्रहरीले जनाएको छ ।

घरका प्रहरीले आलमका भाइलाइ भने भेटाउन सकेन । १२ वर्ष अगाडी भएको हत्या कान्डमा आलमसहितका व्यक्तिमा अनुसन्धान भइरहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार