लन्डन

कोरोना महामारीको कारण लकडाउनमा रहेको बेलायतको भ्रमण गर्ने अन्तरराष्ट्रिय यात्रुहरुले अनिबार्य क्वारेन्टिनमा बस्नु पर्ने भएको छ । महामारी पछि बिस्तारै खुकुलो हुँदै गएको बेलायतमा भ्रमण गर्ने अन्तरराष्ट्रिय यात्रुहरुलाई क्वारेन्टिनको नियम आगामी जुन ६ तारिखदेखि लागू हुने गृह सचिव प्रिती पटेलले शुक्रबार बताएकी छिन् । १४ दिनसम्म अनिबार्य क्वारेन्टिन बस्नु पर्ने नियम बेलायती नागरिकलाई समेत लागू हुने छ ।  

आगामी जुन ६ तारिखदेखि बेलायती बिमानस्थलमा यात्रुहरुको संपर्क फोन नम्बर र बेलायतमा रहँदा बस्ने ठेगाना मागिने र कसैले क्वारेन्टिनको नियम तोडेमा १२ सय डलर वा त्यो भन्दा बढी जरिवाना गराईने सचिव पटेलले बताएकी छिन् । बेलायतमा शनिबारसम्म २ लाख ५६ हजार संक्रमित र ३६ हजार ५ सयको मृत्‍यु भै सकेको छ ।