टेक्सस, फ्लुगरभिल निवासी चन्द्र कडेलको ६३ बर्षको उमेरमा मृत्यु भएको छ । गत मेई २० तारिख बुधबारका दिन सुतिरहेकै अबस्थामा हृदयघातका कारण उनको दु:खद् निधन भएको पारिवारिक श्रोतले बताएको छ । २०१३ सालमा धरानमा जन्मिएका कडेल बिगत २० बर्षदेखि अमेरिकामा बसोबास गर्दै आएका थिए । नेपालमा गार्मेण्ट्स ब्यवसायी कडेल अमेरिकामा ग्रोसरी ब्यवसाय गर्दै आएका थिए । उनको अटोस्पी लगायतको प्रकृयाले गर्दा उनको अन्तिम संकार भने हुन बाँकी नै रहेको छ ।
स्वर्गीय कडेलको श्रीमती, एक छोरा र दुई छोरी छन् । ग्रेटर अस्टिन नेपाली सोसाईटीले एक बिज्ञप्ती मार्फत “कडेल एक कर्मठ, सामाजिक र मृदुभाषी ब्यक्तित्वको रुपमा वहाँलाई सधैं सम्झिरहने छौं” भन्दै हार्दिक श्रद्धाञ्जली तथा परिवारमा समबेदना प्रकट गरेको छ ।
