छिरिङ्ग तोप्के लामा, न्युयोर्क

हिन्दि चलचित्र ‘भाइ’ मा सुनील सेठ्ठीको एउटा संवाद, “अरे मन्त्री जी जिन्दगीमे कभी कभी तो सच् बात किया करो” बेलाबेला म सम्झि रहन्छु । 

मैले यस्तो देशलाई कर्मथलो बनाएको छु जहाँ शासन पद्दति लोकतांत्रिक त छ तर शासक घरि घरि अलोकप्रिय र अलोकतान्त्रिक बन्ने चेस्टा गरी रहन्छन् । म तेश्रो विश्वबाट थुप्रै सपना बोकेर आएको आप्रबासीले कसरी महाशक्ती राष्ट्र अमेरिकाको राष्ट्रपति झुठो बोल्छन् भनेर दाबी गर्न सक्छु ? असन इन्द्रचोक तिर छाडा छोडेको साँढेलाई देखेर बटुवा आँफै तर्किएर हिंड्नु परे जस्तो भएको छ, अमेरिकामा यतिखेर । किनकि साँढे  हलचल गर्दैन । डोनाल्ड जे ट्रम्प एउटा यस्तो ब्यक्ती हो जसलाई विश्वले नै भनिरहेको छ, “जुवानको लगाम दो” तर उनलाई त्यस्ता कुनै याचनाले छुँदैन । न राष्ट्रको प्रतिष्ठाको चिन्ता छ । 

उनलाई चिन्ता छ त धनाढ्य ब्यापारीको नाफा घाटाको मात्र । उनले अघिल्लो दिन के बोल्छन् भोलिपल्ट आफ्नै अर्को अभिव्यक्तिले गलत साबित गरिरहेका  हुन्छन् । तर पनि उनलाई परवाह छैन अनि संकोच पनि मान्दैनन् । मानौं अघिल्लो दिन बोलेको बोली उनको नभएर अरु नै कसैको हो । यस्तो लाग्छ उनी ‘मल्टी पर्सनालिटी डिस-अर्डर’ बाट ग्रसित छन् ।  

             कुरोको चुरो के हो भने, कोरोना महामारीको शुरुवाती दिनमा ट्रम्प भन्दै थिए “यो सामान्य हो, केही दिनमा सबै ठिक हुन्छ।” तर बिडम्बना उनले बोले जस्तो भएन ।  तर, पनि कोरोनालाई अझै सामान्यिकरण गरेर बोल्न थाले “अमेरिकामा सामान्य रुघा खोकीले पनि बर्षेनी २५ देखि ६९ हजारसम्म मान्छे मरि रहेकै हुन्छन्।” फेब्रुअरी महिना तिर जब संघीय सरकारले १५ जना कोरोना संक्रमितको पुष्टि गरेको थियो त्यति बेला महामहिमको दूरदर्शिता र अन्तरचेतले भन्दै थियो, “हामी यसलाई छिट्टै शून्यमा झार्छौ। ” उनले  बोले जस्तो कोरोना शून्य तिर झर्ने छाँटकाट देखिएन बरु ज्यामितीय दरमा कोरोनाको संक्रमण मुलुक भरि छरपष्ट बढ्न थाल्यो । जतिबेला उनकोआफ्नै एक साथी कोरोना संक्रमित भए महामहिमको बोली पिपलको पात झै पल्टिन थाल्यो ।त्यसपछी उनले भने “यो सामान्य रुघाहोइन, यो डरलाग्दो रोग हो।” राष्ट्रपति ट्रम्पको बोली सामान्यबाट अब डरलाग्दोमा पुग्यो।  

               जनवरी २० मा वाशिंगटनमा पहिलो कोरोना संक्रमित पुष्टी भएको थियो। ट्रम्प विश्व आर्थिक मंचको एउटा कार्यक्रममा भाग लिने सिलसिलामा स्विट्जर्ल्याण्डको  डेवस शहरमा थिए । जनवरी २२ मा सीबीएस न्यूजलाई अन्तर्वार्ता दिने क्रममा उसले डेवसबाटै भनेका थिए, “हामीसँग योजना छन्, कोरोनाको उचित ब्यवस्थापन गर्छौ, हामीले स्थिति सम्हालिसकेका छौँ ।”  उनले थपेर बोले ”मात्रएक जना चीनबाट प्रवेश गरेको हो, रोग हाम्रो नियन्त्रणमा छ।” अमेरिकाको राष्ट्रपती पदको लागि योग्य व्यक्तिले भाइरस फैलिन सयौंबीउको आवाश्यकता पर्दैन भन्ने कुराको सामान्य हेक्का पनि त्यतीबेला राखेनन् वा अवमुल्यन गरे ।

              जनवरी २४ मा दोश्रो कोरोना संक्रमित पुष्टी भैसक्दा ट्रम्पको कोरोनासँग सम्बन्धित अर्को ट्वीट सार्वजनिक भयो- “कोरोनाफ़ैलावाट रोक्न चीन सरकार लागी परेको छ, यसले कोरोनालाई  नियन्त्रणमा ल्याउने छ। “चीनले गरेको त्यो प्रयासलाई सराहनीय भन्दै सी जिन पिङ्गलाई धन्यवाद दिन समेत भ्याए। उसले ट्वीटमा लेखे,

 

“कोरोना बृद्दिदर रोक्न चीनले देखाएको तदारुकता प्रशंसनीय छ।सयुक्त राज्य अमेरिका, बिशेष गरि राष्ट्रपति सी जिन पिङ्गलाई धन्यवाद दिन चाहन्छ। 

रोचक कुरो त यो ट्वीट आएको २ महिना नबित्दै उनले अर्को ट्वीट मार्फत चीनको खेदो खनेका छन् । आफुले समयमा नै उचितसतर्कता अपनाउन नसकेको कारण देशले ब्यहोर्न गैरहेको पिडाको आक्रोश चीन माथी थोपरेर आफु पानी माथीको ओभानो बन्ने चेष्टा उनले त्यो बेला सुरु गरेका थिए । त्यसपछि उनले कोरोना भाइरसलाई चाइनिज भाइरस भन्दै चीनको पारो तताउने जस्ता अपरिपक्व हरकत प्रदर्शन थाले । रास्ट्रपति ट्रम्पको चीन प्रतिको प्रहारको प्रत्युत्तरमा त्यहॉंका बिदेश मन्त्रीले “अमेरिकालाई राजनीतिक भाईरस लागेको“ भन्नसम्म पछि परेनन् ।  

जनवरी २९ सम्ममा अमेरीकामा कोरोना संक्रमित संख्या ५ जना पुष्टी भै सकेको थियो। डोनाल्ड ट्रम्पको अर्को ट्वीट आयो, “हाम्रा उत्कृष्टएजेन्सीहरु मार्फत चीनमा भै रहेको कोरोना भाइरस सम्बन्धी उपलब्धीको सुचना आइरहेको छ, हामी चीनको सामिप्यतामा रहेर कोरोना नियन्त्रण सम्बन्धि उपलब्धीहरुको सुक्ष्म निरीक्षण गरी रहेका छौँ । हामीसँग विश्व कै उत्कृष्ट विज्ञहरु छन् जो सातै दिन चौबीस घण्टाखटिरहेका छन् । ” ट्रम्पले भने जस्तो अमेरीकामा विश्वको उत्कृष्ट विज्ञ र संयन्त्र छ की छैन वा भएर पनि राष्ट्रपति ट्रम्पको अकुशल ब्यबस्थापनको कारण मुलुकले यस्तो मानबीय क्षती बेहोर्नु पर्‍यो विश्वसामु छर्लंग भै सकेको छ।

             जनवरी ३० का दिन विश्व स्वास्थ्य संगठनले कोरोना भाइरसलाई जन स्वाथ्य संकटकाल घोषणा गर्यो। यता ट्रम्प, मिशिगनको एउटा कार्यक्रममा मन्तब्य दिने क्रममा भन्दै थिए “मलाई लाग्छ भाइरस पूर्ण रुपमा हाम्रो नियन्त्रणमा छ। हामी कहाँ समस्या एकदम थोरैछ, मात्र ५ जना संक्रमित छन्, जो पूर्ण स्वास्थ्य लाभ तर्फ उन्मुख छन् । तर हामी चीनसँग सामिप्यमा रहेर काम गरि रहेका छौँ र हामीलाईलाग्छ यसको अन्त सुखद रहने छ, म बिश्वास दिलाउन चाहन्छु।” ट्रम्पले संक्रमित संख्या ५ भने पनि त्यो दिन संक्रमित संख्या ७ पुगीसकेको थियो।  

                जनवारी ३१ सम्ममा अमेरिकामा कोरोना संक्रमित को संख्या ८ पुगे पछि बल्ल डोनाल्ड जे ट्रम्पको दिमागको बत्ति अलि अलि पिल्पिलाउन थाल्यो। चाइनाबाट आउने यात्रुहरुलाई अमेरीका प्रवेशमा रोक लगाए र देशमा जनस्वास्थ्य संकटकाल घोषणा गरे ।  

                फेब्रुअरी ७ मा संक्रमित सख्या ११ पुगेको थियो, ट्रम्पको अर्को ट्वीट जारी भयो, “मेरो भर्खर मात्र चीनको राष्ट्रपति सी जिनपिङ्गसँग लामो र स्वस्थ कुराकानी भयो, उनी कोरोना बिरुद्दको लडाइमा दत्तचित्त र बलियो भएर नेतृत्व दिईरहेको छन्, उनलाई लागेकोछ कि उनीहरु राम्रै गरिरहेका छन्।  खास गरि अस्पताल निर्माण कार्यहरु केहि दिनमा नै सम्पन्न गरिरहेका छन्।  कुनै पनि कुरो सजिलोछैन तर पनि उनले सफलता हासिल गर्नेछन्, बिशेषत न्यानो मौसम आए पछि कोरोना निर्बल हुनेछन र त्यत्तिकै हराएर जानेछ ।  राष्ट्रपतिसीको निडर र गतिशील नेतृत्वसँगै चीनमा सबैजना अनुशासित भएर लागेका छन् जसले कोरोना बिरुद्दको लडाईमा सफलता हासिल गर्नटेवा पुग्नेछ। हामी चीनको सामिप्यतामा रहेर काम गरिरहेका छौँ ।”  ट्रम्पले चीनका राष्ट्रपतिसँग थुप्रै पटक कोरोना बारे कुरा पनि गरेनजिक रहेर गृहकार्य पनि गरे तर भाइरस नियन्त्रण गर्न चीनबाट केहि  पनि सिक्न सकेनन्  । फेब्रुअरी १० मा ह्वाइट हाउसमा सम्पन्नगभर्नरहरुसँगको बैठकमा बोल्दै फेरी चिनिया राष्ट्रपति सीसँग बोलेको कुरा कोट्याउदै न्यानो मौशम आएपछि भाइरस आँफै निर्मुल हुने कुरादोहोर्याए।

             फेब्रुअरी २३ सम्ममा संक्रमितको संख्या ५१ पुगेको थियो। पत्रकारहरुको कोरोना अध्यावधिक  प्रश्नको जबाफ दिने क्रममाट्रम्प भनिरहेका थिए ”हामी बुद्दिमता र संयमताका साथ यथाशक्य लागी परेका छौ। अब यो हाम्रो नियन्त्रण भन्दा निकै बाहिर गइ सकेकोछ।”  फेरी फेब्रुअरी २४ मा उनले  ट्विट गर्दै हिजोकै कुरा दोहोर्याए, “कोरोना हाम्रो नियन्त्रण भन्दा धेरै बाहिर गैसकेको छ।  सबै सम्बन्धितव्यक्ति तथा मुलुकहरु संग निरन्तर सम्पर्कमा छौ।  यद्द्यपी शेयर बजार भने राम्रै छ जस्तो लागि रहेको छ।” ब्यापारीलाई जनताकोजीवन भन्दा ब्यापारको बढी चिन्ता हुनु अश्वाभाविक हुन सक्दैन।  शक्ति सम्पन्न राष्ट्रको प्रमुखले बोलेका प्रत्येक अभिव्यक्तिहरु लाईसमयले गलत साबित गर्दै गईरहेको थियो।  हिजो आफैले बोलेका बोलीसँग आजका नयॉं अभिव्यक्तिहरुको एकरुपता नभएको बारेपत्रकारहरुले जिज्ञासा राख्न खोज्दा ट्रम्प कि त हान्ने गोरु झैँ मुन्टो बटार्दै कटु वचन लगाउँथे  कि त बोल्न नचाहेको आशय दिन्थे  ।  

               फेब्रुअरी २५ सम्ममा संक्रमित सख्या बढेर ५७ पुगिसकेको थियो, जुन बेला डोनाल्ड जे ट्रम्प भारत भ्रमणमा थिए। त्यहाँ उनलेएउटा पत्रकार सम्मेलनमा भने ”तपाइँहरुसँग कोरोना सम्बन्धी जिज्ञासा हुन सक्छ, हाम्रो देशमा कोरोना पुर्ण नियन्त्रणमा छ।  संक्रमितसंख्या न्यून छ, जति संक्रमित छ त्यो भन्दा अरु मैले सुनेको छैन।” ट्रम्पको अभिव्यक्ति सुन्दा यस्तो लाग्थ्यो की अमेरीका बाहेक अरुविश्व सुचना प्रबिधीको पहुँचबाट धेरै टाढा छ।  अमेरीकामा उज्यालो हुँदा भारत लगायत पूर्वीय गोलार्ध तिर अँध्यारो हुन्छ यो सत्य हो तरउता उज्यालो हुँदा अमेरिकालाई अँध्यारोले छोपेको हुन्छ भन्ने कुरा राष्ट्रपति ट्रम्पले भुसुक्कै बिर्सिए ।  

               फेब्रुअरी २७ सम्ममा कोरोना संक्रमित संख्या ६० पुगीसकेको थियो।  ह्वाइट हाउसमा आयोजित आफ़्रिकन अमेरिकननेताहरुसंगको एक भेलालाई सम्बोधन गर्ने क्रममा ट्रम्पले फेरी हाँस्यास्पद अभिव्यक्ति दिए , “एक दिन यो कोरोना भाइरस अकल्पनीयतरिकाले अदृश्य भएर जाने छ। ” एक दिन कोरोना विलीन हुने छ त भने तर त्यो एक दिन कहिले आउँछ त्यो भने भनेनन् ।  आधुनिकबिकासको चरोमोत्कर्षमा पुगी सकेको एक शक्तिसाली राष्ट्रको राष्ट्र प्रमुखको अभिव्यक्ति हो की दोबाटो को ज्योतिषीको  बोली होविश्व चकित परिरहेको थियो।  

              फेब्रुअरी २९ सम्ममा कोरोना संक्रमित संख्या ७४ पुगिसकेको थियो।  राष्ट्रपति ट्रम्पले दिएको आश्वासनको त्यो  एक दिन झनैटाढा सुदूर क्षितिज तिर गए जस्तो अनुभूती हुन  थालेको थियो ।  मेरील्याण्डमा आयोजित कनजर्भेटिब पोलिटिकल एक्शन कोसम्मेलनमा बोल्ने क्रममा ट्रंपले फेरी भने ” हाम्रो काम अब्बल भै  रहेको  छ, हाम्रा विज्ञहरु उत्कृष्ट छन्, कोरोना भाइरस हाम्रो नियन्त्रणमाछ।”   सारा  अमेरीकी जनता तथा पत्रकारहरु ट्रंपको अभिब्यक्ती सुनेर हैरान भैरहेका थिए।  कहिले भाइरस नियन्त्रणमा छ भन्दै थिए तकहिले नियन्त्रण भन्दा बाहिर गैसक्यो भन्दै , कहिले सामान्य रुघा हो भन्दै थिए त  कहिले डरलाग्दो सरुवा रोग हो भन्दै थिए ।  मेरिल्याण्डको सम्मेलनमा उपस्थित एक जना ब्यक्ती कोरोना पोजिटिब पुष्टि भएको थियो भने त्यहि दिन अमेरिकामा कोरोनासंक्रमितको पहिलो मृत्यू पनि भएको थियो।

सोहि दिन साँझ ह्वाइट हाउसको टास्क फोर्स ब्रिफिंगमा बोल्दै ट्रम्पले भने ”हामी कोरोना बिरुद्दको लडाईमा निकै आक्रामक ढंगलेलागिपरेका छौ। यस्तो आक्रामक ढंगले कोरोना बिरुद्दको लडाईमा अरु कुनै पनि मुलुक अगाडी छैन। यात्रा गन्तव्यको हिसाबले हाम्रोदेश एक नम्बरमा  आउँछ तर संक्रमितको संख्या, यात्रा गन्तव्यको न्यून हिस्सा ओगट्ने सानो तिनो मुलुक भन्दा पनि थोरै छ।” ठुलादेशका ठुला ब्यक्तीहरुको नजरमा  ज्यामितीय गतिमा रेप्लिकेट गर्ने सरुवा रोगको संक्रमित संख्या ७४ पुग्दा पनि थोरै नै थियो।स्मरणिय कुरा के छ भने, दक्षिण कोरिया र अमेरिकामा कोरोनाको संक्रमण एकै दिन शुरु भएको थियो।  तर ५ करोड मात्र जनसंख्यारहेको दक्षिण कोरियाको कोरोना बिरुद्दको लडाई अमेरिकाको भन्दा धेरै अगाडी थियो।  फेब्रुअरी १८ मा, दक्षिण कोरियाको ३१औसंक्रमित पुष्टि भएको थियो र त्यो दिन सम्ममा प्रति दिन ५२०० कोविड परिक्षण पुर्याई सकेको थियो जबकी जनसंख्याको आधारमा हेर्नेहो भने दक्षिण कोरिया भन्दा संयुक्त राज्य अमेरीका ६ गुणा भन्दा माथी रहेको छ र उसले अप्रिल १५ सम्ममा बल्ल प्रति दिन  १२३५१परिक्षण  गर्न सकेको थियो।

                 मार्च ९ को तथ्यांकले जम्मा कोरोना संक्रमित संख्या ९५९ देखाउदै थियो तर त्यही दिन ट्रम्पले ट्वीट गरे ”गत साल अमेरीकामारुघा खोकी  बाट  ३७००० व्यक्ति मरेका थिए, प्रत्येक बर्ष २७००० देखी ७०००० सम्म मर्ने गरेका छन्। अहिले हामीकहाँ जम्मा ५४६कोरोना संक्रमित पुष्टी भएको छ र २२ को मृत्यू भएको छ। बिचार गरौँ त ” उनको आशय थियो ३७००० को तुलनामा २२ को मृत्यू केहिपनि होइन।

मार्च १० को तथ्यांकले संक्रमितको संख्या १३०० देखायो।  क्यापिटल हीलमा आयोजित, सत्तारुढ दल रिपब्लिकनका सिनेटरहरुसँगकोबैठकमा बोल्दै ट्रम्पले भने ”यो अकल्पनीय स्थिति भयो । यो चीनबाट आयो अनि हामी लगायत धेरै देशलाई प्रभाव पारेको  छ ।  अंकहेरौ , १०० भन्दा धेरै मुलुकलाई कोरोनाले प्रभाव पारेको छ, विश्व नै आक्रान्त बनेको छ । तर हामी पुर्ण रुपले तयारी अवस्थामा छौँ रउत्कृष्ट काम गरिरहेका छौँ । यो एक दिन कोरोना बिलिन हुनेछ, शान्त बनौँ यो आफै हराएर जाने छ।”  ६० जना संक्रमित हुँदा देखी दिँदैआएको बासी अभिव्यक्ति संक्रमित संख्या १३०० पुग्दा सम्मपनि दोहोर्याई रहेका थिए राष्ट्रपति ट्रम्प – ‘कोरोना आँफै हराएर जाने छ। ‘

          मार्च ११ मा अमेरीकामा संक्रमणको संख्या १७०० पुग्यो। ओभल अफिसबाट राष्ट्रको  नाममा सम्बोधन गर्दै राष्ट्रपति ट्रंपले भने ” नयाँ  संक्रमणबाट देशलाई बचाउन युरोपबाट आउने यात्रालाई ३० दिन सम्मको लागी स्थगन गरिएको छ ।  नयाँ  नियम शुक्रबारमध्यरातबाट लागु हुनेछ।  वास्तविकता र परिस्थितिलाई मध्यनजर राख्दै आवश्यक परिमार्जन हुन सक्नेछ। ” जनवारी २० बाट संक्रमणशुरु भएको शक्तिशाली राष्ट्रमा मार्च ११ हुदा बल्ल युरोपबाट आउने यात्रा माथी सावधानी अपनाउन खोजिएको देखियो। यो ढिलाईकोचुरो भनेको, जनताको जिउ ज्यान भन्दा ठुला वायूसेवाहरुको ब्यापार पहिलो प्राथमिकतामा पर्नु हो।

            मार्च १२ मा अमेरीकामा संक्रमणको संख्या २२०० पुग्यो।  व्हाइट हाउसमा आइरिश प्रधानमन्त्रीसंगको भेटवार्ताको क्रममा ट्रंपलेभने ” बिचार गरौ न, मैले जे प्रयाश गरे र मेरो प्रशासनले चाइनासंग जे सहकार्य गर्यो, त्यसकै कारण अमेरीकामा मात्र ३२ को मृत्यू भएकोछ।  ३२ पनि काफी हो धेरै हो तर अरु मुलुकहरुको मृत्यू संख्या हेरौ त, मैले जे गरे त्यो चमत्कार छैन त ? ” यस्तो लाग्थ्यो की यो कुनैगाई जात्रे हाँस्यब्यंग्य कार्यक्रम हो र प्रत्यक्ष्य प्रसारण मार्फत विश्व हँसाउने दायित्व आइपरेको छ।

             मार्च १३ अमेरीकामा संक्रमणको संख्या २७०० मा चुलियो। देशमा राष्ट्रिय संकटकाल घोषणा गर्दै रोज गार्डेनमा पत्रकारसम्मेलनमा  ट्रंपले भने ” हामि कहाँ मृत्यूको संख्या ४० पुगेको छ, अरु अरु देशहरुमा यो संख्या धेरै गुणा बढी छ र बढिनै राखेको छ।हाम्रो संक्रमणको संख्या पनि एक दम न्यून छ। यो सबै हामीले समयमा नै कदम चालेको र छिट्टै  सावधानी अपनाएको ले हो । हामीले जेगर्यौ त्यो अति उत्तम कार्य गर्यौ।  अति संक्रमित क्षेत्रको नाका थुन्नु भन्दा अरु कुनै उत्तम उपाय हुन सक्दैन थियो। ” जुन बेला चीनकोबुहान शहरमा संक्रमण देखियो त्यतिनै बेला डोनाल्ड जे ट्रंपले अमेरीकामा सिमा कडाइ तथा अरु आवाश्यक तयारिहरु गर्न सकेको भएत्यो कदम वास्तवमा नै पुर्व तयारि वा सहि कदम हुन सक्दथ्यो।  तर त्यो गर्न सकिएन, सम्हाल्न  नै नसकिने गरि छरपष्ट पोखी सके पछिदुइ महिना पछि को बाध्यात्मक तयारिलाई काट छाँट गरेर सहि समयको सहि कदम भन्न बाध्य भएको देखियो ।  

                  मार्च १६ मा संक्रमित संख्या ६४०० पुग्यो।  ट्रंपले भने , “मैले मेरो छोरासंग कुरा गरेको थिए  उसले यो कति नराम्रो हो भनेरसोध्यो।  यो नराम्रो हो, नराम्रो भैरहेको छ तर हामि संसारमा नै कम संक्रमित संख्या सावित गर्न खटि रहेका छौ  ” ट्रंपले व्हाइट हाउसकोकोरोना भाइरस टास्क फोर्स लाई उदृद गर्दै भने “ उनीहरुले संक्रमण अगस्ट महिना सम्म जान सक्छ भनेर बताएको छ तर मेरो बिचारमायो जुलाई सम्म जान सक्छ।” राष्ट्रपति डोनाल्ड जे ट्रंपले कुनै बेला बताए जस्तो कोरोना न सामन्य रह्यो न उनले  आश्वासन दिए जस्तोसंक्रमण को संख्या शुन्यमा झार्न सके तर उनी विश्वमा नै कम संक्रमित  भएको देश दावी गर्न जबर्जस्ती लागी पारेको छ।  

मार्च १६ कै दिन हिजो आफैले प्रशंसा र धन्यवाद ज्ञापन गरेको राष्ट्र चीन माथी अपमान जनक तुच्छ शब्द प्रयोग गर्दै ट्वीट गरे “बायुसेवाजस्ता कम्पनीहरु जो चाइनिज भाइरसबाट ग्रसित छन् उनीहरुलाई अमेरिका सशक्त सहयोग गर्ने छ, हामी पहिले भन्दा अझ बलियो बन्नेछौ । ” स्मरण रहोस जनवरी २४ को ट्रंपको ट्वीटमा चिनिया राष्ट्रपति सी जिन पिङ्गको गृहकार्य प्रति प्रशंसा गर्दै धन्यवाद दिएका थिए।  

              मार्च २४ मा अमेरिकामा कुल संक्रमण संख्या ६५८०० पुष्टी भयो।  फोक्स न्यूजसंग कुरा गर्दै ट्रंप ले भने ” आगामी ईस्टरसम्ममा यो देश खुलेको चाहन्छु।  मेरो बिचारमा यो ईस्टरमा देश भरका गिर्जाघरहरु भरिभराउ हुनेछ “  दक्षिण कोरियाको  उत्तर क्योसंगप्रान्तको देगु शहरमा अवस्थित शिन्चुंजी गिर्जाघरको नियमित प्रार्थना कक्षमा उपस्थित  एक जना ६१ बर्षिय बृद्दबाट कुल संक्रमणको ६३दशमलव ५  प्रतिशत नयाँ संक्रमण फैलिएको ज्वालंत उदाहरण आँखा अगाडी हुदा पनि जन स्वास्थ्य माथी खेलवाड गर्दै गिर्जाघरहरुखोल्ने कुचेष्टा गरिरहेका थिए राष्ट्रपति ट्रम्प। त्यहि दिन ह्वाइट हाउस कोरोना टास्क फोर्स ब्रिफिंगको क्रममा साहित्य ओकल्ने प्रायश गर्दैउनले भने ” लामो टनेलभित्र हल्का उज्यालो देखे पछि हामी अब छिट्टै टनेल पार गर्दैछ भन्ने बुझ्न सकिन्छ र उज्यालोको आशा गर्नसकिन्छ। “

 

             मार्च २९ मा अमेरिकामा कोरोना संक्रमित संख्या १६१८०० पार गर्दै थियो।  व्हाइट हाउसको रोज गार्डेन पत्रकार सम्मेलनमाबिफिंगको क्रममा राष्ट्रपति डोनाल्ड ट्रंपले पहिले आफैले बोलेको इस्टर सम्ममा सबै खोल्ने भन्ने गाइड लाइनलाई अप्रिल ३० सम्मलम्ब्याएको बताउदै  भने ” जुन १ सम्ममा पुन सामान्य जिवनमा फर्कन सक्ने आश गरौ।  मलाइ लाग्छ, जुन १ सम्ममा थुप्रै चमत्कारिकउपलब्धीहरु हासिल गर्नेछौ। ” महामहिमको चमत्कारिक उपलब्धी हरुको प्रतीक्षा गर्दा गर्दै अमेरिकी जनताका प्राण पखेरु भटाभटउडिरहेको थियो।  तर अझै पनि तथ्यमा आधार बिना त्यो एक दिन आउछ भनेर उनले भन्न छाडेको थिएनन ।  

          मार्च ३१ को तथ्यांक अनुसार अमेरिकामा कोरोना संक्रमितको संख्या २१३४०० पुष्टि भएको थियो।  कुनै बेला कोरोना सामान्यरुघा खोकी हो भन्ने राष्ट्रपति ट्रंपले व्हाइट हाउसको कोरोना टास्क फोर्स को आजको ब्रिफिंगमा यो सामान्य होइन भन्ने अभिव्यक्ति दिदैभने, “यो दुइ हफ्ता वा तीन हामीले यो भन्दा अघी कहिले पनि नदेखेको नराम्रो दृश्य हुन सक्छ। ” उनले  थप्दै भने , “तिमीले कुनै एकजना साथीलाई अस्पताल पठाएर भोली उसको हालखबर बुझ्न खोज्यौ भने उ सिधै कोमामा गैसकेको हुन्छ, यो सामान्य रुघा खोकी हुनसक्दैन । “  कहिले त्यहि कुरा हो भन्ने र  कहिले त्यहि कुरा होइन भन्ने रोगबाट ग्रसित छँन् राष्ट्रपती ट्रम्प ।  

अप्रिल ३ को तथ्यांकले अमेरीकामा कोरोनाको संक्रमित संख्या २७३८८० देखाउदै थियो।  मार्च १० मा जुनबेला अमेरीकामा संक्रमितकोसंख्या मात्र १३०० थियो, त्यति बेला राष्ट्रपति ट्रंपले यो केहि पनि होइन हराएर जान्छ भन्ने खालका अभिव्यक्ति दिएपछि पनि कुलकोरोना बृद्दी संख्या २७२५८० देखिन्छ। राष्ट्रपति ट्रंप ले फेरी एक पटक जग हसाउदै थिए , “मैले कोरोना त्यत्तिकै हराएर जान्छ भनेकोथिए अब यो बिलिन भएर जादैछ ” ह्वाइट हाउसको कोरोना भाइरस टास्क फोर्स ब्रिफिंगको क्रममा बताए।   

मेरो जन्म भूमी नेपालमा विधीको शासन र लोकतन्त्रको अभ्यास कागजमा सिमित छ तर पनि निर्वाध टायर बाल्न पाइन्छ। मेरोकर्मभुमीमा राष्ट्रपतिको मृत्यू गन्ने घडी विश्वको राजधानी टाइम स्क्वायरको आकाशमा राख्न पाइन्छ तर राष्ट्रपतिको छुद्रो बोलीकोकारण देशको प्रतिष्ठा भाड्खलोमा गए पनि मुक दर्शक बनेर टुलुटुलु हेर्ने बाहेक अर्को कुनै उपाय छैन। मेरो कर्म भूमी अमेरिकामामापत्रकार हरुलाई प्रश्न सोध्ने अधिकार त छ तर उत्तर पाउने अधिकार छैन। मेरो जन्म भुमी नेपालमा पत्रकारको प्रश्नको उत्तर नपाए कमसेकम माइतिघर मण्डलामा पुत्ला जलाउन पाइन्छ वा सिंह दरबार घेराउ गर्न पाइन्छ। राजनितीमा फटाह  बोल्न पनि कला चाहिन्छ।  बिभिन्न  देशमा राष्ट्र प्रमुखले झुठ बोलेको इतिहास पढ्न  पाइन्छ तर ती झुठहरु घुमारो तरिकाले सम्पन्न गरेका हुन्छन। कला बिनाको त झुठ पनि निस्तो लाग्ने रहेछ।

श्रोत : ट्वीटर तथा सीबिएस न्यूज