डालास

डालास एभरेष्ट लायन्स क्लवले मे २४ तारिख साँझ प्रत्येक वर्ष गर्दै आएको ‘An Evening in Nepal’  नामक कार्यक्रम निकै आकर्षक र फरक ढंगले Zoom मार्फत सम्पन्न गरेको छ ।  

नेपाली कला र सँस्कृतिको झल्को दिने र स्थानीय बहुभाषी समुदाय बीच  अमेरिकास्थित नेपाली मूलका बासिन्दालाई एकै थलोमा भेट्ने अवसर जुटाई, सम्बन्ध विस्तार र सेवाका अन्य अवसरहरू जुटाउने उद्देश्यका साथ कार्यक्रम थालनी गरिएको आयोजकले बताएका छन् । जुम मार्फत मनोरन्जनात्मक कार्यक्रमका अतिरिक्त क्लवलाई आफ्ना प्रोजेक्टहरू सञ्चालन गर्न रकम जुटाउने उद्देश्य पनि कार्यक्रमको लक्ष्य रहेको क्वलले जनाएको छ । कोभिड-19 का कारण उत्पन्न परिस्थितिका कारण एकै थलोमा कार्यक्रम गर्न संभव नभएकोले Zoom को प्रविधि प्रयोग गर्नु परेको क्लवका पूर्व अध्यक्ष एवम् कार्यक्रम सँचालक राधाकृष्ण काफ्लेले जनाएका थिए ।

यस वर्ष कोभिड-19 का कारण एवम् नेपाल प्रति राष्ट्रिय भावना जागृत गराउदै स्वस्थ मनोरञ्जन दिने उद्देश्य अनुरूप कार्य बनाएको कलाकारहरू वताउँछन्।

कार्यक्रममा नेपाली राष्ट्रगान र अमेरिकाको राष्टगानबाट शुरू गरिएको थियो । टेक्सास नेपाली कला समूहका कलाकारहरू क्रमशः चर्चित हाँस्यब्यँग्यकलाकार नारायण त्रिपाठी, वरिष्ठ संगीतकार एवम् गायक केशव पौडेल, गायक भीम चापागाईं र लोक गायक भीम थापाको अलावा नेपालबाट चर्चित लोक दोहोरी गायक पुरूषोत्तम न्यौपानेको दुई चरणको गायनले कार्यक्रमलाई संगीतमय बनाएका थिए ।

बीच बीचमा लियो क्लवका भाइ बहिनीहरूको नृत्य, ट्म्पसेट  वादनले कार्यक्रमलाई रोचक बनाएको थियो । 

कार्यक्रममा क्लवका अध्यक्ष सुरेश बस्यालले स्वागत मन्तव्य, स्टेट रिप्रिजेन्टेटिभ टेरी मेजा, लायन्स  2-X1 डिस्ट्रिकका गभर्नर विनोद माथुर, डिस्ट्रिक्ट 4c-2 का पूर्व गभर्नर राजेन थापा लगायत लायन्स एस्मेराल्ड, वि एन पन्त, थलराज पन्त, राज श्रेष्ठ, फ्रेड कंगनरले लायनिजमका बारेमा आफ्नो धारणा राख्नु भएको थियो । क्लवकी सचिव डा .माया उपाध्यायले यो वर्ष क्लवले गरेका कार्यक्रमहरू प्रस्तुत गर्नु भएको थियो भने क्लवकी प्रेसिडेन्ट इलेक्ट मीना क्षेत्रीले धन्यवाद ज्ञापन गरेको थियो । 

क्वलका सदस्य यशोदा अधिकारी, सरोज खतिवडा, लियो एकता उपाध्याय, मन्जिता क्षेत्री, बुनु पन्त, विनय उपाध्याय र कृतिका तिमल्सिना ले विविध प्रस्तुति दिएका थिए । 

कार्यक्रम को इभेन्ट कोअर्डिनेटर केदार तिमल्सिनाले गर्नु भएको थियो । कार्यक्रमको प्रारम्भमा नेपाली धूनहरू र अन्त्यमा डीजे  सुशान्त पौड्याल को डीजे को प्रसारण माइ एलाइट इभेन्टको स्टेज डेकोरेशनबाट लाइभ गरिँदा सबैमा कोरोनाबाट उन्मुक्ति भैसकेको भाव प्रकट हुन्थ्यो र यसरी घर घर मै बसेर पनि डीजेको आनन्द लिएको दृश्य जुममा बेला बेला प्रष्ट देखिन्थ्यो ।

अमेरिका मा मात्र होइन नेपाल मै पनि जुमको माध्यमबाट गरिएको यो पूरा प्याकेजको कार्यक्रम सायदै देखिएको थियो।

। स्मरण रहोस्- डालास एभरेष्ट लायन्स क्लव, नेपाली समुदायबाट सन् २००३ मा खोलिएको पहिला लायन्स क्लव हो, जुन लायन्स क्लव इन्टरनेशनल, डिस्ट्रिक्ट 2-X1 को मातहतमा रही सामाजिक कृयाकलापहरू गर्दै आइरहेको छ ।