स्वास्थ्य

घरमा जाँच्दा ब्लड प्रेसर ठिक डाक्टरकोमा जाँच्दा निक्कै धेरै हुने समस्या डरलाग्दो

बिरामीको रक्तचाप (ब्लड प्रेसर ) घरमा हेर्दा एकदम ठिक अनि चिकित्सककोमा गएर जाँच्दा भने निक्कै माथि हुन्छ भने, एक अनुसन्धानले यो समस्यालाई निकै संवेदनशिल भनेको छ । घरको मेसिनमा ठिक चिकित्सककोमा गएर जाँच्दा रक्तचाप ( ब्लड प्रेसर) उच्च हुने रोगलाई “ह्वाईट कोट हाईपर्टेन्सन” भनिन्छ । यस्तो समस्या भएका बिरामीहरुले यदि समयमा नै हाईपर टेन्सनको औषधि नलिने हो भने सामान्य अवस्थाका उच्च रक्तचापका बिरामीमा भन्दा यस्तो समस्या भएका बिरामीमा मुटु रोगका कारण मृत्युको सम्भावना दोब्बर हुने हुन्छ । उक्त कुरा गत ११ तारिख मंगलबार “एनल्स अफ इन्टरनल मेडिसिन” नामक एक स्वास्थ्य सम्वन्धि पत्रिकाले प्रकाशित गरेको हो । उक्त पत्रिकाले २५७८६ जना ह्वाईट कोट हाईपर्टेन्सनको औषधि नलिएका र लिएकासँग ३८४८७ जना सामान्य प्रकृतिका उच्च रक्तचाप (ब्लड प्रेसर) का बिरामी बीच तुलना गरिएको बताएको छ । अमेरिका, युरोप र एसियाका ह्वाईट कोट हाईपर्टेन्सन भएका र नभएका उच्च रक्तचाप (ब्लड प्रेसर) का बिरामीहरुमा ३ बर्ष लगाएर उक्त तत्थ्य पत्ता लगाईको एनल्स अफ इन्टरनल मेडिसिनले जनाएको छ । हरेक पाँच जना बस्यक अमेरिकन मध्ये १ जनामा ह्वाईट कोट हाईपर्टेन्सन हुने गरेको अनुसन्धानले बताएको छ ।

सामान्यतया १३० / ९० भन्दा माथिको रक्तचापलाई उच्च रक्तचाप भन्ने बुझिन्छ ।

(यो सामग्री एनल्स अफ इन्टरनल मेडिसिनबाट लिईएको हो )