गत हप्ता ए बि सि न्युज टेलिभिजनको लागि अन्तर्वार्ता दिदै गर्दा आफ्नो चिफ अफ स्टाफ मिक मल्भानीलाई खोकेको कारण राष्ट्रपति डोनाल्ड ट्रम्पले  कोठाबाट बाहिर  निकालेका छन् ।  राष्ट्रपति ट्रम्पसँग ए बि सि  न्युजका लागि पत्रकार जर्ज स्टेफोनोपोलसले ह्वाईट हाऊसस्थित ओभल अफिसमा अन्तर्वार्ताको रेकर्डिङ गर्दै गर्दा नेपथ्यमा सुनिएको खोकीको आवाज ट्रम्पका चिफ अफ स्टाफ मिक मल्भानीको भएपछि राष्ट्रपतिले उनलाई ओभल अफिसबाट तत्काल बाहिर निकालेका हुन् ।  

राष्ट्रपति ट्रम्प पत्रकार जर्ज स्टेफोनोपोलसँग फाईनान्सियल रिपोर्ट रिलिज गर्ने बिषयमा बोल्दै गर्दा ओभल अफिसको नेपथ्यमा अचानक खोकेको आवाज सुनिए पछी बोल्दा बोल्दै राष्ट्रपति रोकिएर “हि ईज कफिङ इन द मिडिल अफ माई एन्सर (उसले मेरो उत्तरको बिचमा खोकेको छ)” फेरी ट्रम्पले भनेका छन् “अाई डन्ट लाईक ड्याट्, यु नो अाई डन्ट लाईक ड्याट्  (मलाई त्यो मन पर्दैन, तपाईंलाई थाहा छ मलाई यो मन पर्दैन )”

राष्ट्रपति ट्रम्पसँगको उक्त अन्तर्वार्ताको भिडियो ए बि सि न्युजले गत अाईतबार साँझ  प्रसारण गरेको थियो ।

एजेन्सी ।