बझाङ । बझाङमा जीप दूर्घटनामा परी ९ जनाको निधन भएको छ । बझाङको मष्टा गाउँपालिका १ मा दुर्घटना हुँदा चालकसहित ९ जनाको मृत्यु भएको प्रहरीले जानकारी दिएको छ ।

जयपृथ्वी नगरपालिकाको डुग्रीबाट मष्टा गाउँपालिकातर्फ जाँदै गरेको से १ झ १०७२ नम्बरको जिप डौठ्या खोलास्थित घुम्तीबाट अनियन्त्रीत भई झरेको प्रहरीको भनाई छ ।

दूर्घटनामा मष्टा गाउँपालिका १ का कलकबहादुर खड्का, उनका एक छोरा, सोही ठाउँका जुनधारा खड्का, नैन खड्का, धौली खड्का, जुना खड्का, भक्त द्वाल, चालक सुरेन्द्र थापा र लक्ष्मी द्धालले ज्यान गुमाएको वडा प्रहरी कार्यालय चैनपुरले जानकारी दिएको छ ।

दुर्घटनामा परी गम्भीर घाइते ४ जनालाई हेलिकोप्टरबाट उद्दार गरी उपचारका लागि नेपालगञ्ज लगिएको छ । दूर्घटनापछि नेपाल प्रहरी, ससस्त्र प्रहरी र नेपाली सेनाको टोली घटनास्थलमा खटिएका थिए ।

जिल्ला अस्पताल बझाङको चिकित्सकको टोलीले घटनास्थलमै पुगेर घाइतेको प्राथमिक उपचार गरेको थियो । मानिसहरु सहजै जान नसक्ने भीरमा पुगेर जिप अड्किएको थियो ।