02-Jul-2020 | १८ असार २०७७, बिहीबार

न्युयोर्कमा घट्न थाले संक्रमित तर अमेरिकाकै अन्य चार राज्य कोरोनाको हट स्पट बन्दै

१८ जेष्ठ २०७७, आईतवार ०   बिचार / प्रतिक्रिया


न्युयोर्क     

लकडाउन खुकुलो पार्दै ब्यापार ब्यवसाय सुरु गरेसँगै अमेरिकाको अलाबामा, क्यालिफोर्निया, विस्कन्सिन र आर्कान्सास गरी ४ वटा राज्यहरु कोरोनाको नयाँ एपिसेन्टरको रुपमा देखा परेका छन् । अलाबामामा पछिल्लो १४ दिनमा कोरोना संक्रमितको संख्या ६० प्रतिशत बृद्धि भएको ‘कोभिड एक्जिट स्ट्राटेजी’ ले जनाएको छ भने अर्कान्सास र नर्थ क्यारोलाइनामा ४० प्रतिशतले कोरोना संक्रमित बृद्धि भएको छ । गत मेई १३ तारिख लकडाउनलाई असंबैधानिक भन्दै सुप्रिम कोर्टले खारेज गरेको विस्कन्सिनमा पनि १४ दिनपछि संक्रमितको संख्यामा ४७ प्रतिशतले बृद्धि भएको छ ।

अमेरिकाकै पहिलो कोरोना एपिसेन्टर न्युयोर्कमा नाटकीय रुपमा कोरोना संक्रमितहरुको संख्यामा गिरावट आएको छ भने कनेक्टिकट र म्यासाच्युसेट्समा संक्रमित संख्यामा पछीलिलो १४ दिनमा ३० प्रतिशतले गिरावट आएको छ । अमेरिकामा कोरोनो संक्रमित हरुको पछीलिला आँकडाले लकडाउन खुकुलो पारिएको वा लकडाउन खारेज गरिएको राज्यहरुमा ब्यापक बृद्धि हुँदै शनिबारसम्म अमेरिकाभर १७ लाख ७० हजार संक्रमित र १ लाख ३ हजारको मृत्‍यु भएको जोन हप्किन्सको डाटामा जनाईएको छ ।  

अलाबामामा पछिल्लो १४ दिन भित्र कोरोना संक्रमितको संख्यामा उल्लेख्य बृद्धि भएको छ । यहाँ २ हप्तामा संक्रमितको संख्या ६० प्रतिशतले बढेको छ । स्टेटलाई पुन सुचारु गरेपछि अलाबामामा यो संख्या २ हप्तामा सबैभन्दा उच्च हो । त्यहाँ अहिले १७ हजार ३ सय ५९ संक्रमित र ६ सय १८ को मृत्‍यु भएको छ । एएलडटकमका अनुसार यो हप्ता बिहीवारसम्म त्यहाँ ४ सय भन्दा धेरै संक्रमित थपिएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार