काठमाडौं । नेपालमा कोरोनाबाट थप एक जनाको मृत्यु भएको छ । अब नेपालमा कोरोनाका कारण मृत्युु हुनेको सङ्ख्या ८ पुगेको छ । बाजुरामा आइतबार ज्यान गुमाएकि दुई वर्षीया बालिकामा कोरोनाभाइरस पुष्टि भएको हो ।

सुदूरपश्चिम प्रदेश, सामाजिक विकास मन्त्रालयका एक उच्च अधिकारीले कोरोना भएको पुष्टि गरे । उनका अनुसार बालिकाको आमालाइ समेत कोरोना देखिएको छ । बुबालाइ भने नेगेटिभ आएको छ ।

बाजुरा जिल्ला अस्पतालको आइसोलेसनमा रहेको अवस्थामा उनको मृत्यु भएको हो । उनको १६ गते नै स्वाब परीक्षणको लागि धनगढी पठाइएको थियो। नेपालमा कोरोनाबाट ज्यान गुमाएका मध्ये ७ जनाको मृत्यु पछि मात्र कोरोना पुष्टि भएको छ ।