खेलकुद

न्यूह्यामसरमा आयोजित एक दिवसीय फुटबलको उपाधि न्यूयोर्कलाई

न्यूह्यामसर
न्यूह्यामसर नेपाली समाजले आयोजना गरेको एक दिवसीय सेभेन ए साइट फुटबल प्रतियोगिताको उपाधि न्यूयोर्कको एनवाईएन फुटबल क्लवले जितेको छ । आईतबार राज्यको सबैभन्दा ठूलो सहर म्यान्चेष्टरको रक रिमन रंगशालामा भएको प्रतियोगिताको फाइनलमा न्यूह्यामसरकै ड्रागन फुटबल क्लबलाई ६–१ गोल अन्तरले पराजित गरि एनवाईएन उपाधि हात पारेको हो ।

प्रतियोजितामा उत्तरपूर्वी अमेरिकाका बिभिन्न राज्यमा बसोबास गर्ने ११ नेपाली भाषी टोलीले भाग लिएका थिए । सहभागी टोलीलाई चार समुहमा विभाजित गरि लिग चरणको खेल खेलाइएको थियो । प्रत्येक समूहका विजेता र उपबिजेता टोली नक आउट चरण (क्वार्टर फाइनल)मा प्रवेश गरेका थिए ।

बिजेता र उपबिजेता टोलीलाई समाजका अध्यक्ष सोम गुरुङले नगद पुरस्कार एवं ट्रफी हस्तान्तरण गरेका थिए । पूर्वी क्षेत्रमा बसोबास गर्ने नेपाली समुदायबीच भातृत्व र हार्दिकता विकास गर्ने मूल उध्येश्यका साथ फुटबल प्रतियोगिता आयोजना गरेको उनले जानकारी दिए । अब बर्षेनी रुपमा प्रतियोगिता आयोजना गर्ने र धेरै भन्दा धेरै टोली समेट्दै जाने समेत उनले बताए ।