न्युयोर्कस्थित चर्चित र्यापर काइने वेष्टले प्रहरी कस्टडीमा मृत्‍यु भएका जर्ज फ्लोएडको एक मात्र छोरी जियान्ना फ्लोएडको लागि कलेजको सम्पूर्ण ट्युसन फि तिरी दिने प्रस्ताबव गरेका छन् । मृतक फ्लोएडको ६ बर्षकी छोरी हालै आफ्नो काकाले बोकेको अवस्थामा सार्वजनिक भएकी थिईन् । ६ बर्षीया जियान्नाले भनेकी थिईन ‘मेरो बाबुले संसारलाई बदल्यो’ । छोरी जियान्नाले आफ्नो पितालाई के भएको ? भनेर प्रश्न गर्दा आफुले ‘उस्को सास फेर्न नसकेर मृत्‍यु भएको’ भनेर बताएको आमाले भनेकी थिईन । र्यापर वेष्टले २० लाख डलरको ‘५२९ कलेज सेभिङ फण्ड’ प्रहरी र श्वेत जातीबाट मारिने अस्वेत मानिसको सहयोगमा खर्च गर्ने गरी उक्त कोष खडा गरेका हुन् । उनले त्यही कोष मार्फत जियान्नाको कलेजको सम्पूर्ण सुल्कको जिम्मेवारी लिने प्रस्ताब गरेका हुन् ।

वेस्टले गत फेब्रुअरी २३ का दिन मर्निङ वाक गरिरहेको अबस्थामा जर्जियामा मारिएका अहमुद अर्बेरीको कानूनी खर्च समेत आफुले ब्यहोर्ने बताएका छन् । अहमुद अर्बेरी मृत्‍यु प्रकरणमा ३ जना गोरा जातिका मानिसलाई पक्राऊ गरिएको थियो भने र्यापर वेष्टले गत मार्चमा केन्टुकी राज्यमा घर भित्रै सुतिरहेको समयमा प्रहरीको गोलीले मारिएकी ब्रियोन्ना टेलरको लागि समेत सहयोग गर्ने बताएका छन् ।

फ्लोएड मृत्‍यु प्रकरण पछि भने र्यापर वेष्टले ‘ब्ल्याक लाईफ म्याटर’ को बारेमा बोलेका छैनन् तर उनले आफ्नो ईन्स्टाग्राममा ‘ब्लाक आउट टिउजडे’ भनेर गत मंगलवारको ब्ल्याक आउटको प्रचार भने गरेका थिए ।  

एजेन्सी