पोखरा । गण्डकी प्रदेशमा शनिबार मात्र थप १७ जनामा कोरोना भाइरसको संक्रमण पुष्टी भएको छ । गण्डकी प्रदेश स्वास्थ्य मन्त्रालयले उपलब् गराएको तथ्यांक अनुसार स्याङ्जामा १०, बाग्लुङमा १ जना, कास्कीमा ३ जना र नवलपरासी पूर्वमा तीन जनामा कोरोना देखिएको हो । स्याङ्जामा वालिङ नगरपालिकामा ८ जना १६ वर्षदेखि ५४ वर्षका पुरुषमा संक्रमण भएको हो ।

हरिनास गाउँपालिकाका १८ र ४० वर्षका दुई पुरुषमा समेत पुष्टी भएको हो । बाग्लुङमा ताराखोला गाउँपालिका ३९ वर्षीय पुरुष, कास्कीको रुपा गाउँपालिकाका २३ र ३२ वर्षीय पुरुष र पोखरा महानगरपालिकाका ५९ वर्षीय पुरुषमा संक्रमण पुष्टी भएको छ ।

नवलपरासी बर्दघाट सुस्ता पूर्वको बिनय त्रिवेणी गाउँपालिकाका १८, १९ र २७ वर्षीय पुरुषमा समेत कोरोना देखिएको छ । नेपालमा देशभर करीव ३ हजार मानिसमा कोरोना पुष्टी भएको छ । ३३३ जना निको भएका छन् । ११ जनाको ज्यान गइसकेको छ ।