स्वास्थ्य

डोल्पामा ५ दिन अगाडी मृत्यु भएका व्यक्तिमा कोरोना पुष्टी

डोल्पा । डोल्पामा २० जेठमा मृत्यु भएका एक व्यक्तिमा कोरोना भाइरस संक्रमण पुष्टी भएको छ । जगदुल्ला गाँउपालिका–३ का ५८ वर्षीय पुरुषमा कोरोना पुष्टी भएको हो । उनको २० गते ज्यान गएको थियो । यससँगै नेपालमा कोरोनाबाट मृत्यु हुने बिरामीको संख्या १२ पुगेको छ । यसलाई स्वास्थ्य मन्त्रालयले घोषणा गर्न भने बाँकि रहेको छ । जेठ १८ मा नेपालगञ्जबाट डोल्पा आएका उनलाई क्वारेन्टाइनमा राखिएको थियो ।

प्रहरीका अनुसार लामो सममदेखि दमको समस्यासँग जुधिरहेका थिए । सोहीकारण उनलाई होम आइसोलेसनमा राख्ने गरी बिदा गरिएको थियो । होम आइसोलेसन मै उनको जेठ २० मा ज्यान गएको हो । मृत्युपछि मात्र उनको स्वाब संकलन गरी परीक्षण गर्न कर्णाली स्वास्थ्य विज्ञान प्रतिष्ठान पठाइएको थियो ।

शनिबार आएको पीसीआर परीक्षणको रिपोर्टमा उनलाई कोरोना पुष्टी भएको छ । उनको दाहसंस्कारमा गाउँका धेरै मानिस सहभागी भएका कारण गाउँ नै सिल गरिएको छ । भारतबाट आएका उनीसँगै १२ जना अन्य नागरिक पनि जगदुल्लामा आएको प्रहरीले जनाएको छ । उनीहरु सबै अहिले क्वारेन्टाइनमा छन्।