02-Jul-2020 | १८ असार २०७७, बिहीबार

झापाका १२ संक्रमित डिस्चार्ज

२५ जेष्ठ २०७७, आईतवार ०   बिचार / प्रतिक्रिया


धरान । शनिबार राती झापाका १२ जनाले एकै पटक कोरोनालाई जत्न सफल भएका छन् । झापाका १८ देखि ५८ वर्ष उमेर समूहका १२ जना अस्पतालबाट डिस्चार्ज भएका हुन् । बीपी कोइराला स्वास्थ्य विज्ञान प्रतिष्ठान धरानमा उपचाररत १२ जनाको लगातार दोस्रो पीसीआर रिपोर्ट नेगेटिभ आएपछि डिस्चार्ज गरिएको अस्पतालले जनाएको छ । यो अस्पतालमा अझै ८३ जनाको उपचार भइरहेको छ ।

प्रदेश नं एकमा शनिबारमात्र सात जना संक्रमित थपिएका थिए । उक्त दिन नेपालमा सर्वाधिक संख्यामा कोरोना देखिएको थियो । प्रदेश १ मा अब संक्रमितको संख्या २४७ जना पुगेको छ । ९० जना भने डिस्चार्ज भइसकेका छन् ।

प्रदेश नं एकमा विराटनगरको कोशी अस्पताल कोभिड १९ उपचार केन्द्र, बीपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यालय अस्पताल गोठगाउँमा उपचार हुने गरी व्यवस्था मिलाइएको छ । नेपालमा ३२३५ जनामा संक्रमण भइसकेको छ । १३ जनाको ज्यान गएको छ । साढे ३ सय जना निको भएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार