Epapers :

21-Sep-2019 | ४ आश्विन २०७६, शनिबार

लुकाएर ल्याईएका ३४ वटा जिउँदा चरा सहित एक ब्यक्ती न्यूयोर्क एयर्पोर्टमा पक्राउ

४ असार २०७६, बुधबार ०   बिचार / प्रतिक्रिया


न्युयोर्क।गत अाईतबार एक ब्यक्ति न्यूयोर्क स्थित जोन अफ केनेडी बिमानस्थलमा भंगेरा प्रजातिको “सिङगिङ फिन्च् ” नामक चरा तस्करी गर्ने अभिप्रायले अमेरिका भित्र्याउन खोजेको अभियोगमा पक्राउ परेका छन् । गायनाबाट ल्याईएका ३४ वटा जिउँदा चरा सहित ३९ बर्षिय फ्रान्सिस गुराहोलाई जोन अफ केनेडी बिमानस्थलको भन्सार कार्यालयले चरा लुकाएर छिराउन खोजिएको अवस्थामा पक्राउ गरिएको संघिय अभियोजकले ब्रुकलिनस्थित अदालतमा पेस गरिएको अभियोग पत्रमा जनाईएको छ ।कनेक्टिकट निवासी गुराहोले प्लास्टिकका कपाल पम्प गर्ने रोलरमा लुकाएर जिउँदो चरा ल्याएपछि उनलाई भन्सार कर्मचारीले पक्राउ गरेका हुन् । उनले ती ३४ थान चरा ह्याण्ड क्यारी ब्यागमा लिएर आएका थिए ।  

गुराहोले आफुले त्यो एक सुटकेस चरा १ लाख अमेरिकी डलरमा बेच्ने योजना गरेको बयान दिएको कुरा अभियोग पत्रमा जनाईएको छ । गुराहोले सिङगिङ फिन्च चराको चलन चल्तिको बजार मुल्य भने प्रति थान ३ हजार अमेरिकी डलर पर्ने समेत बताएका छन्   

गायनिज सिङगिङ फिन्चहरुलाई ब्रुकलिन कुईन्स लगायतका ठाउँहरुमा गायन प्रतियोगितामा सहभागी गराउने प्रचनल छ ।कहिले काँही प्रतिभाशाली सिङ्गिङ फिन्चको मुल्य बढेर ५ हजार अमेरिकी डलर पुग्ने गर्दछ भने सट्टेबाजहरुले चराको आवाजमा पैसा लगाएर जुवा खेल्ने गरेको समेत अभियोग पत्रमा लेखिएको छ । 

यस अगाडि सन् २०१८ मा जोन अफ केनेडी बिमानस्थलको भन्सार कार्यालयले २०० वटा जिउँदो चरा समातेको थियो ।

 

फेसबुकबाट तपाईको प्रतिक्रिया

सम्बन्धित समाचार