काठमाडौं । छाउनीस्थित वीरेन्द्र सैनिक अस्पतालमा कार्यरत एक जना सुरक्षाकर्मी शुक्रबार बिहान मृत भेटिएका छन् । अस्पतालमा ड्युटीमा खटिएका नेपाली सेनाका प्यूठ डम्बरबहादुर विष्ट मृत अवस्थामा भेटिएको प्रहरीले पुष्टी गरेको छ । प्रहरीका अनुसार उनको छातीमा गोली लागेको छ ।

उनी आफैले गोली चलाएर आत्महत्या गरेको आंशका प्रहरीले गरेको छ । मध्यरातमा एसएलआरबाट आफैंले गोली चलाएर आत्महत्या गरेको स्रोतको भनाई छ । यद्धपि घटनाको अनुसन्धान थालिएको छ ।

उनको शव पोष्टमार्टम गर्न महाराजगञ्जस्थित त्रिवि शिक्षण अस्पतालमा पठाइएको छ । पछिल्लो दिनमा नेपालमा आत्महत्या र आपराधिक क्रियाकलापमा उल्लेख्य वृद्धि भएको छ ।